Taian Areru 9:6 - Te B'aib'ara

⁶ A mauna nako taan riribai n aki manga noraki mataia. Ko a tia n urubekei aia kaawa ake a buubura; ao e na bon akea manga ururingakiia.

Taian Areru 9:6 ပူးပေါင်းရင်းမြစ်များ

2.Uea 19:25

‘Tennakeriba, ongora ngkai irou ngai ae te UEA. I baairei b'aai aikai n taai aika a b'akanako. Ao ko bon aki roko naba n te ataia ae bon ti ngai ae I baaireia b'a ko na karaoi b'aai aikai. Bon ngai ae I karaoiko b'a ko na urui taiani kaawa aika a buubura aika a nonoaki.

Iobi 18:17

Ao e a toki uringana n te auti, ao n taabo nako; bon akea ae manga ururingnga.

Taian Areru 34:16

Ma E ekianako nako akana buakaka, b'a ngkana a mate, ana bon akea naba ururingakiia teutana.

Taian Areru 34:17

Ngke a tangira buokaia akana raoiroi, ao E ongo te UEA irouia; ao E kamaiuia man aia kaangaanga ni bane.

Taian Areru 46:9

E katoki taiani buaka i aon aaba nako; E otei kainikatebe ma kanoani kainikatebe; Ao E kabuoki n te ai taian otanga

Taian Areru 7:5

Ngkana I a tia ni karaoa aron aei, ao a na kaeai au kairiribai ao N na reke irouia. A na toubekaai ni karokoa mateu ao a na katukai i buakon bubun aontano.

Taian Areru 8:2

A aneneia ataei ma merimeri. Ko rab'a ma ni mano raoi mairouia am kairiribai; Ko kaini wiia taani kaaitarako.

Te Otinako 14:13

Ao e taku Moote, “Kam na aki maaku! Taua abami b'a kam na noora te b'ai ae na karaoia te UEA ae Atuami i bukin kamaiuami n te bong aei, kam na bon aki manga nooriia kaain Aikubita aika kam nooriia aikai.

Te Otinako 15:16

A taonaki n te maaku ae moan te korakora. A noora korakoran te UEA, ao a tei n akea angin nanoia i bukin te maaku ni karokoa banen raoi am aomata ni m'ananga i rarikiia ake am aomata ngkoa ake Ko kainaomataia man te toronaki.

Itaia 14:17

E tauai taian kaawa aika a buubura ni kabane ao e karika te aonnaba b'a te rereua? Boni ngaia are e rawa ni kaokiia buure nakoni mwengaia?”

Itaia 26:14

A mate ngkai kairiribai aikai ao a aki konaa ni manga maiu. Ko a tia ni katuaaia a mauna nako, e a bon m'aninga te aba taekaia.

Itaia 37:26

Ko na ongora, ngkai Tennakeriba Irou, Ngai ae te UEA. I baairea te b'ai aei man taai aika a nako. Ao ko tuai man ataia ae bon ti Ngai ni baaireia b'a ngkoe ae ko na karaoi b'aai aikai. I karaoiko b'a ko na urui kaawa aika a buubura.

Ieremia 51:25

Kam uruaniia botannaomata ao ko taraa ni marurung kaanga te maunga, ma bon am kairiribai Ngai. N na bon raweiko ao N na karabinoko nako nakon te tabo ae e katati. Ao ngkana e bane karaoan anne irou, ko na riki b'a kaanga te b'ariko ni buriki aika a mannang.

Mika 7:10

Ao a na boni b'aib'ainrang ara kairiribai ngkana a noora aei. E taetae ni kantiab'ai ngkoa te kairiribai ni kaangai, “E ngaa Te UEA ae Atuam?” Ti na ngareakiniia ngkana a konaaki, ma ni b'aka i aon te bokaboka i nanon kawain te kaawa.

Mika 7:8

Bon akea uaan ngareakinara irouia ara kairiribai. Ti a tia ni konaaki irouia, ma ti na manga tokanikai. Ti mena n te rootongitong ngkai, ma E na anganiira te oota te UEA.

1.I-Korinto 15:26

Te kabanea ni kairiribai are na kamaunaki bon te mate.

Te Kaotioti 20:2

E taua te rakon, are te naeta nikawai, are te riaboro are Tatan; ao e kabaea n te taurekereke ao e tewea nako Abuto, ao e kaina mataroana ao e kanikinaea aona b'a e aonga n aki kaukaki. E na tiku ikekei i nanon teuana tengaa te ririki, b'a e aonga n aki manga m'am'anaia botannaomata nako. E na boni kainaomataki rimwi, ma e na aki maan ana tai n inaomata.

1.Tamuera 30:1

Uabong i mwiina, a roko Tawita ma ana rorobuaka i Tikeraka. A tia kaain Amareka ni kurib'aia Iuta maiaki ao a buakana Tikeraka. A tia ni kabuoka te kaawa

1.Tamuera 31:7

Ao ngke a ongo Iteraera ake a mena n iteran te M'arua are Ietireera ao i mainikun te Karaanga are Ioretan b'a a tia ni biri nako ana taanga ni buaka Iteraera ao a tia ni mate Tauro ma natina m'aane, ao a manga kitana aia kaawa ma ni biri nako. Ao a roko kaain Bitiria ni kaainna.