Taian Areru 9:20 - Te B'aib'ara

²⁰ Te UEA, Ko na kakamakuia botannaomata; ao kaotai nanoia b'a a aonga n ataia ae bon aomata aika a mamaara ngaiia.

Taian Areru 9:20 ပူးပေါင်းရင်းမြစ်များ

2.Rongorongo 14:10

E kaaitibo ma Ata ikekei, ao a katauraoi nakon te buaka taanga ni buaka aika uoua aikai n te M'arua are Tebata.

Taian Areru 3:8

b'a Ko tararuaia am Aomata ma ni kakab'aiaia.

Taian Areru 62:9

Ai aron te ike ae ti teuana aomata nako; Ao ti te bo aroia aika kakannato ma aika mangori n akea manenaia. Ngkana a tauaki rawawataia, ao bon akea rawawataia; A bebete riki nakon rawawatan angin te ike ae ti te ikena.

Taian Areru 76:12

E kamangoria taan tautaeka aika kainikatonga, Ao E makaki irouia uean aonnaba.

Te Otinako 15:16

A taonaki n te maaku ae moan te korakora. A noora korakoran te UEA, ao a tei n akea angin nanoia i bukin te maaku ni karokoa banen raoi am aomata ni m'ananga i rarikiia ake am aomata ngkoa ake Ko kainaomataia man te toronaki.

Te Otinako 23:27

N na kakamaakuia botannaomata aikai ma ni kamangaongaoiia ami kairiribai n te aro are a na biri nako mai roumi.

Itaia 31:3

Bon taian aomata naba kaain Aikubita. Bon tiaki Atua ngaiia. A bon karaoaki naba aia aoti man te iriko; a aki konaa ni maiu n aki toki. Ngkana e kaota m'aakana te UEA, ao ane e na tiringiia kaain Aikubita ao koraki ni kabane ake a mwiokoia. A na bane ni kaai ni b'aka.

Ieremia 32:40

N na karaoa te boraraoi ma ngaiia ae akea tokina, N na aki manga kerikaaki man karaoan ae e raoiroi nako ia; ao N na karina maakaku inanoia, b'a aonga n aki rairaki nako mairou.

Etekiera 28:2

Etekiera ae natin te aomata, ko na tuanga uean Turo au taeka ae e kaangai: Ko rangi ni kainikatonga b'a ko iangoia b'a te atua ngkoe ao am kaintokanuea te kaawa ae Turo. Ane ko na taekinna b'a te atua ngkoe, ngke bon te aomata ngkoe.

Etekiera 28:9

Ko na bon teimatoa naba n taekinna b'a te atua ngkoe ngkana ko aitara ma aiam? A na buakaniko, ao ko na maraki kaanga aroia aomata tabem'aang.

Etekiera 30:13

A na kamaaeaki taian bouannanti ma banna ake kam taromaurii ngkami aika kaain Aikubita n te kaawa are Membiti (Nobi). Bon akea temanna ae e na tiku n tautaekana am botannaomata, ao e na onrake te aba n te maaku.

Te Tua-Kaua 2:25

N na karikiia kaain botannaomata ake tabeua b'a a na maakuingkami. Ane a ruru ni maaku ngkana iai ae taekiningkami, ao ane a na rangi ni maaku ngkana kam kaoti.’ ”