Taian Areru 9:19 - Te B'aib'ara

¹⁹ Karaoa ane ko taku, te UEA! Tai kariaia botannaomata b'a a na tokanikai i aon am Babaaire. Kateia i matam akana aki onimakiniko, b'a Ko na motiki taekaia.

Taian Areru 9:19 ပူးပေါင်းရင်းမြစ်များ

Karikani B'aai 32:28

E taku teuarei, “Ko na aki manga aranaki b'a Iakob'a. Ko a tia ni kaunrab'ata ma te Atua ao taiani mm'aane, ao ko tokanikai; ma ngaia are, ko na aranaki b'a Iteraera.”

2.Rongorongo 14:11

E tataro Ata ao e taku: Te UEA ae te Atua, bon ti ngkoe ae ko konaa ni buoka te taanga ni buaka ae akea korakorana ma ni katokanikaia i aon ae korakora. Ma ngaia ae, ti onimakinna b'a ko na buokiira. Ti na buakana te taanga ni buaka ae korakora aei i bukin neboan aram, ao ti ataia b'a ko bon aki konaa ni konaaki. Bon te UEA ae Atuara ngkoe.

Taian Areru 10:12

Te UEA ae te Atua, kareke kaiia akana buakaka! Ao ururingiia akana kananoanga!

Taian Areru 149:7

B'a a na katae aia kai botannaomata ma ni kareke kaiia natanaomata;

Taian Areru 3:7

Te UEA ae te Atua, teirake ao kamaiuai. Orom'angaiia taan ribaai, ao urui naba wiia,

Taian Areru 44:23

Te UEA, Ko na uti! E aera ngkai Ko matu? Tei rake! Tai ribaira n aki toki!

Taian Areru 44:26

Ko na nako mai ni buokira! Kaota am Atataiaomata ni kamaiura!

Taian Areru 7:6

Te UEA, Ko na un; Karaoa te m'akuri teuana! Eekinakoia au kairiribai. Ao taraia b'a e na karaoaki te kaetitaeka ae eti.

Taian Areru 79:6

Ko na karokoa unim i aoia botannaomata ake aki taromauriko, Ao i aoia aomata ake a aki tatataro nako Im.

Taian Areru 80:2

kaotiko nakon te baronga ae Eberaim ma te baronga ae Beniamin ma te baronga ae Manate; Kaota korakoram nakoira; nako mai ao kamaiura!

Itaia 51:9

Uti! buokiira te UEA. Ko na korakora ao tauraoi. Uti! Karaoa te b'ai are ko a tia ni karaoia nakoia am Aomata n taai ake ngkoa. Ko bon aki tataa Raaba are te mannikaakang?

Ieremia 10:25

A rawa ara kairiribai n atongko b'a te Atua ke n taromauriiko. A a tia ni kamaunaia ara aomata ao a katuka ara botannaomata b'a te b'ai ae e wene n urubekebeke. Ma ngaia ae Ko na un irouia ao kakioia nako!

Ioera 3:12

Kam na iri ngkai nakon te M'arua are Motikitaeka, ike E na motikitaekaia iai te UEA botannaomata nako aika i rarikira.

Mika 5:15

I bukin marakin nanou, ao N na kamaunaia te botannaomata ake a rawa n ira nanou.

Teb'ania 3:8

“Ma ngaia ae kam na tataninga, bon ana taeka te UEA, “taningaa te bong are n na bairei taekaia botannaomata nako iai. I a tia ni baireia i nanou b'a N na bootia botannaomata nako iai. I a tia ni baireia i nanou b'a n na botiia botannaomata ma aaba n uea nako, n te aro b'a ana namakina korakoran uran uniu.

Tekaria 14:18

Ngkana a rawa kaain Aikubita ni bukamarua te Toa ae M'aanga ni kaai, ao ana manga oreaki n te aeka n aoraki are e na kanakoa te UEA nako ia aomata ni kabane ake a rawa nako.

Te Kaotioti 19:15

Ao e oti nako mai wina te kabaang ae kakang, b'a E na oreia botannaomata iai, ao E na tauu taekaia ni kairiia ma te matoa; ao E na toutoua aon nen taonani kureebe are ana b'ai korakoran unin te Atua are Moan te M'aaka.

1.Tamuera 2:9

Ko kaawakiniia am aomata aika kakaonimaki ma ni kabane aika buakaka a na mate i nanon te rotongitong. Ti aki kona n tokanikai ni bon oin korakorara.