Taian Areru 9:14 - Te B'aib'ara

¹⁴ b'a I aonga n aneneiko ni mataroan Tion. N na kim'areirei i bukina ngkai Ko kamaiuai.

Taian Areru 9:14 ပူးပေါင်းရင်းမြစ်များ

Taian Areru 106:2

Ai antai ae kona n tataekina taekan ana m'akuri te UEA aika ab'ab'aki? Ao ai antai ae kona ni kaota karaoiroana ni kabanea?

Taian Areru 13:5

I onimakina am Tangira, ao I rangi ni kimarimari iai b'a ko bon otanganai.

Taian Areru 20:5

Ao ti na takaakaa ni kim'areirei i bukin am tokanikai; ao ti na kamoamoaa te Atua ni katioan am maniua n tokanikai. E na kaekai am bubuti ni kabane te UEA.

Taian Areru 21:1

Te UEA, e kukurei te king i bukina ngke Ko anganna te korakora ao e kakatonga b'a e tokanikai i aoia aiana.

Taian Areru 22:22

N na tuangiia au botannaomata baika Ko a tia ni karaoi; N na anenea kamoamoaam n aia tai ni bootaki n taromauri.

Taian Areru 22:25

N tain te bootaki ae ab'ab'aki, ao N na neboiko i bukini baike Ko a tia ni karaoi. N na anga i mataia aomata aika taromauriko karea ake I a tia n taku b'a N anga;

Taian Areru 35:18

Ao N na katituaraoiko n tain aia bootaki ae ab'ab'aki am Aomata; N na katituaraoiko i mataia ni kabaneia.

Taian Areru 35:9

Ao N na kakatonga i bukin te bae E a tia ni karaoia te UEA; N na kim'areirei b'a E a tia ni kamaiuai.

Taian Areru 42:4

E uruaki nanou ngke I uring boong ake a tia n nako: Ngke I m'ananga ma aomata aika bati, ni kairiia nakon um'an te Atua; Ao a anene ma te b'ana ni kakatonga ma n nebonebo nakon te Atua.

Taian Areru 51:12

Manga kaoka nako iu te kim'areirei are reke man am Kamaiu, Ao karaoa ae N na kan ongeaba iai nakoim!

Taian Areru 51:15

Buokai b'a N na taetae, Ao N na neboiko.

Taian Areru 6:3

E korakora kiriween nanou. Ai ti maanraa ngkoe Te UEA ao Ko a buokai?

Taian Areru 75:9

Ma ngai, N na aki toki n tataekina Atuan Iakob'a, Ma n anene n nebonebo nakoina.

Taian Areru 79:13

Ao ngaira, aika am Aomata, aika am Nanai n tiibu, ti na neboiko n taai nako, Ao ti na tataekina kamoamoaam nakon te rorona ma te rorona.

Te Otinako 3:7

Ao E taku te UEA: I a tia n noora aron rawaawatan tautoronakiia Au aomata i Aikubita, ao I ongo b'anaaia ni buubuti buokaia mai Rou i bukin te aro ae aki riai are e karaoaki nako ia,

Te Otinako 3:9

A tia ni buubuti Au buobuoki Au aomata, ao I a tia n noora te m'akuri ni iowawa mairouia kaain Aikubita nako ia.

Itaia 12:3

E na reke iroumi te ran ma te kukurei ae moan te bati mani m'aneaban te tokanikai.

Itaia 37:22

Etekia, ko tataro nako iu i bukin Uean Aturia are Tennakeriba. Ao ngkai, aio te b'ai ae I taekinna nakon te uea anne: Aomatan Ierutarem a ribaiko mani kakanikoko; ao a ngareakiniko mai akuum.

Itaia 62:11

Ao aei te b'ai ae e taekinna te UEA i bukin te aonnaba ni kabane b'a a na ongo: “N na roko te tai ae e aki maan b'a N na kamaiua te kaawa are Tion, ao n anganiko kaniwangam.

Mika 4:13

E kaangai te UEA, “Kam na nako n oreia ami kairiribai ngkami aika kaain Ierutarem! N na kakorakorako n ai aron te kaom'aane ae iai korona aika biiti, ao iai naba ana kau ni wae ae te buraonti. Ko na kamanatuaia botannaomata nako, ao ko na uotii mai nako iu Ngai ae UEAN te aonnaba ni kabane, kaub'ai ake a reke mairouia botannaomata ake a konaiia n te buaka.”

Ab'akuka 3:18

Ma e ngae n anne ao I bon kukurei naba b'a E kakaawakinai te Atua.

Ruka 1:47

Ao e kim'areirei nanou iroun te Atua are au Tia Kamaiu.

1.Tamuera 2:1

Ao e tataro Nei Anna: Ko kakorakoraai ma ni kakukureiai, te UEA Ko kamaiuai. Ao ngkai I kim'areirei ao I ngareakiniia au kairiribai.