9 Ko taua aroni marawa; Ko katoki korakoran naona.
Akea n ai aron te UEA ae Atuara. E mena ana kaintokanuea i etani karawa,
E tautaeka te UEA mai aon ana kaintokanuea b'a bon Ngaia Uean te ieka n aki toki.
Ko katoka rurungaani marawa ma karongoaan b'aron naao; Ko katoki kiriweia botannaomata.
Ana niiniira ni uea bon te raoiroi ma te riai.
Ko kaota am akoi nako ia roro aika ngaa, ma ko bon katuaaia aomata i bukin aia bure aia karo. Bon te UEA Ngkoe ae Moan te M'aaka.
E tua ao e ora taari. E kaorai taiani karaanga. A rai uteuten tawaanan Batian. Ao Maungan Karemera e bitaki nakon te buraun, Ao a b'ata ueen Reb'anon.
Ao ngke a toka n te booti, ao e b'aka te ang.
E teirake Iesu mani matuuna, ao E takua te ang ma te nama, ni kangai, “Tai karongoa! Kainab'aabu!” E b'aka te ang, ao iai te raoi.
A rangi ni maaku, ao a i taetae i rouia ni kangai, “Antai Teuaei? B'a e ongo i Rouna te ang ma naao!”
