Taian Areru 89:4 - Te B'aib'ara

⁴ ‘E na uea n aki toki temanna man am Kariki; N na kateimatoa te nakoa n uea n am Kariki n aki toki.’ ”

Taian Areru 89:4 ပူးပေါင်းရင်းမြစ်များ

2.Tamuera 7:29

I butiiko b'a Ko na kakab'aiaia au kariki ma ni kariaia b'a a na riki b'a uea aika a rineaki. Ko a bon tia ni berita iai, ao I kakoaua b'a Ko na bon kakab'aiaa au utu n aki toki.

1.Uea 9:5

ao N na kaawakina Au berita ma Tawita are e na uea n taai nako i aon Iteraera temanna man ami kariki.

1.Rongorongo 22:10

E na karaoa au Tembora Toromon. E na riki b'a kaanga te nati te m'aane irou, ao N na riki b'a kaanga te tama nakoina. Ni koauana, e na uea n taai nako temanna mai buakoia ana kariki i aon Iteraera.”

1.Rongorongo 28:4

Ao te UEA ae te Atua, e rinea Iuta b'a te baronga ni kairiiri i aon Iteraera. Ao man te baronga ane Iuta E a manga rinea ana utu tamau, ao man ana utu tamau, E rineai b'a n na riki b'a te uea i aon Iteraera, ao E berita b'a a na tautaeka man uea naba au kariki.

Taian Areru 132:11

Ko a tia ni kab'aka am Taeka ni bau nakon Tawita am berita ae Ko na boni kakoroa bukina: “N na karika temanna irouia natim m'aane b'a te uea, Ao e na onea mwim n tautaeka.

Taian Areru 132:12

Ngkana a kawakina au boraraoi natim ao a kawakin naba au taeka aika I anganiia, Ao a na riki naba natiia b'a uea n ai arom n aki toki.

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Taian Areru 89:1

Te UEA, N na anenea n taai nako taekan am Tangira ae Teimatoa; N na aki toki ni kaotiota taekan am Kakaonimaki.

Taian Areru 89:29

E na tei maan ueana n ai aron tei maanin karawa; E na ririki temanna n ana kariki b'a te uea n te tai teuana ma teuana.

Taian Areru 89:36

E na aki toki n uea kaain ana utu Ao e na teimatoa ueana n ai aron otan taai i matau.

Taian Areru 89:50

Tai m'aninga arou, ngai ae am Toro, ngke I b'ainingareaki, Ao ngke I taotaona nanou nakon taeka n iowawa mairouia botannaomata ake akea karineam irouia.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Tekaria 12:8

N na kaawakina Ierutarem Ngai ae te Atua. E na bon korakora naba te aomata ae te kabanea ni mamaara ikekei n ai aron Tawita, ao e na tautaeka abanuean Tawita b'a kaanga bon Au anera ae e riki b'a ana tia kairiiri.

I-Rom 15:12

Ao e taku Itaia, “Ane e na kaoti temanna man ana utu Iete; E na taua taekaia botannaomata aika Tientaire, ao ane a na kaantaningaia.”

Te Kaotioti 22:16

“Ngai ae Iesu, ae I kanakoa au anera b'a e na kaoti baikai nakoimi i nanon ekaretia nako. Boni kanoan Tawita Ngai, ao te Itoi ni Ngaina ae oota m'aaka Ngai.”