Taian Areru 89:38 - Te B'aib'ara

³⁸ Ma Ko un iroun te uea are Ko rineia; Ko a tia n rawa i rouna ao Ko ribaia.

Taian Areru 89:38 ပူးပေါင်းရင်းမြစ်များ

2.Tamuera 1:21

Ko na aki kab'aka te aoi ke te karau i aon tabukin nako Kireboa. Ko na aki karikirakei taian uita n te tawaana i bukin karikirakean taian uita i bukin taian karea nakon te Atua. A takanana aia otanga taani buaka n taiani bokaboka, ao e a tiku oin ana otanga Tauro n aki karaneaneaaki.

2.Tamuera 15:26

Ma ngkana arona b'a E taku b'a E a aki kukurei irou, ao ke E karaoa ane E taku b'a te kabanea n tamaroa.

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

Taian Areru 106:40

Ma ngaia are E un te UEA irouia ana botannaomata; Ao E ribaia.

Taian Areru 60:1

Te Atua, Ko a tia n ribaira, ao Ko uruira; Ko a tia n un iroura-ma an rairaki nakoira ngkai.

Taian Areru 60:10

Ko a ribaira? ao Ko a aki kan iria ara taanga nakon te buaka?

Taian Areru 77:7

E na teimatoa n ribaira te Uea ke E na aki? E nang aki manga kukurei iroura?

Taian Areru 78:59

E un te Atua ngke E noriia, Ma ngaia are E rangi n ribaia.

Taian Areru 84:9

Te Atua, Ko na kakab'aia ara uea, are Ko a tia n rineia.

Taian Areru 89:51

Te UEA, a taetae n iowawa am Kairiribai nakon te uea are Ko rineia! A taetae nakoina n te aro anne ike e nako iai.

Ieremia 12:1

Ngkana I ngurengure nakoim te UEA Ko bon karaoa ae e raoiroi n taai nako. Ma iai au titiraki n te tai aei i bukin te motikitaeka ae eti. E aera ngkai a maiu raoi aomata aika taani bure? E aera ngkai e naanako raoi aia waaki?

B'aeb'aeti 2:7

E rangi n ribaa ana baonikarea te UEA, ao e kamaunaa ana Tembora are e tabu; E kariaia rokoia kairiribai ni kamaenikuna oon te Tembora. A tatakarua i nanon te Tembora are ti tataromauri iai kairiribai ni kaota aia tokanikai.

B'aeb'aeti 4:20

A uotaanako buroora are mwiokon maiura, are E a tia n rineia te UEA, are teuare ti onimakinna b'a te tia kawakiniira mai irouia ara kairiribai.

Otea 9:17

Iteraera, ko aki ongotaeka nakon Atuau. Ngkai n nang kairoroingkami b'a kam na tiotio nako man te botannaomata teuana nakon te botannaomata teuana.

Tekaria 11:8

E aki koro teuana te nam'akaina, I aki konaa n taotaona nanou irouia taani kaawakin tiibu aika teniman aika a ribaai, ao I karaoi taekaia.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Te Tua-Kaua 32:19

Bon natin te UEA ngkoa ngkami, ma kam kaunna. Ngaia are, E a aki kubaringkami