Taian Areru 89:36 - Te B'aib'ara

³⁶ E na aki toki n uea kaain ana utu Ao e na teimatoa ueana n ai aron otan taai i matau.

Taian Areru 89:36 ပူးပေါင်းရင်းမြစ်များ

2.Tamuera 3:9

I buubutiia te Atua b'a e na buokai ngkana I aki buoka Tawita n anganna te b'ai ae E berita iai te UEA nakoina!

2.Tamuera 7:16

N na kakoauaa raoi b'a e na uea n taai nako temanna mai buakoia am kariki.

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Taian Areru 72:5

A bia teimatoa n toro iroum am Botannaomata n ai aron teimatoan taai ni kaotiota ootana, ao n ai aron naba nam'akaina n angaanga ootana nakon rooro ma rooro.

Taian Areru 89:29

E na tei maan ueana n ai aron tei maanin karawa; E na ririki temanna n ana kariki b'a te uea n te tai teuana ma teuana.

Taian Areru 89:4

‘E na uea n aki toki temanna man am Kariki; N na kateimatoa te nakoa n uea n am Kariki n aki toki.’ ”

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Itaia 59:21

E taku te UEA: “Au Aomata, I berita b'a N na anga Tamneiu ma au taeka. E na riki aei b'a au b'aintangira nakoimi ma ami utu n aki toki. Bon aei au taeka Ngai ae te UEA.”

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ieremia 33:20

I a tia Ngai ae te UEA ni karaoa Au boraraoi ma te ngaina ao te bong, b'a a aonga n rooroko raoi n te tai ae e riai. Kam aki konaa n urua te boraraoi ae I a tia ni karaoia ma ngkami,

Ieremia 33:21

ao kam aki konaa n urua te boraraoi ae I a tia ni karaoia ma ana utu Tawita, ibonga man kanoan Rewi ake a m'akuri n te baonikarea. A na tautaeka n taai nako ana kariki Tawita ma ni uea i aon Iteraera,

Amota 4:2

E a tia ni berita te UEA ae E m'aaka man rietaata ao E taku, “E na bon roko te bong are e na katikiko n te matau, ao ngkami ni kabane kam na riki kanga ai aron te ika i tabon te matau.

Ruka 1:33

Ao ane E na uea i aoia aomata nako ake a riki mairoun Iakob'a; ao e na akea tokin ueana!”

Ioane 12:34

Ma ngaia are, a kaeka aomata ni kaangai, “Ti ongo n te Tua b'a E na maiu n aki totoki te Kristo. Ko na kanga ngkanne n taku b'a E na kateaki rake Natin te Aomata? Antai Natin te Aomata anne?”