Taian Areru 89:34 - Te B'aib'ara

³⁴ N na aki urua au boraraoi ma ngaia ke ni bita au taeka are I a tia ni kab'aka nakoina.

Taian Areru 89:34 ပူးပေါင်းရင်းမြစ်များ

2.Tamuera 7:15

Ma N na bon kateimatoa au boraraoi ma ngaia, n arou ngkoa ngke I katoka au boraraoi ma Tauro, are e uea ngkoa i m'aaim.

1.Uea 11:39

N na katuaaia kanoan Tawita, ma e na aki teimatoa tuaaia.

1.Rongorongo 17:13

N na riki b'a kaanga te tama nakoina, ao e na riki b'a kaanga te nati te m'aane nako iu. N na bon aki kaaki au boraraoi ma ngaia, n aron au boraraoi ma Tauro are te uea i m'aain are I a tia ni katokia.

Ieremia 14:21

Ngkana Ko kamaiura, ao ane e na kaota aron korakoram. Ko na aki kariaia am kairiribai b'a e na kam'araea am Tembora, are Am kaintokanuea ae e tamaroa. Ko na aki m'aninga are Ko a tia ni berita b'a Ko na kamaiura.

Ieremia 33:20

I a tia Ngai ae te UEA ni karaoa Au boraraoi ma te ngaina ao te bong, b'a a aonga n rooroko raoi n te tai ae e riai. Kam aki konaa n urua te boraraoi ae I a tia ni karaoia ma ngkami,

Nakoaia Ibonga 26:44

E aki akaaka b'a tera ae kam a tia ni karaoia, ma bon te UEA naba Ngai ae Atuami, ao N na bon aki manga katikui taekami, ke ni kairiribai ma ngkami i abaia ianena.

Maraki 3:6

Kanoan Iakob'a, bon te UEA Ngai ae Moan te M'aaka, ao I aki konaa ni bitaki. Bon anne bukina ngkai kam tuai man uotaki nako,

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

Mataio 24:35

A na mauna karawa ma aonnaba, ma a na aki kona ni mauna au taeka.

I-Rom 11:29

B'a E aki kona te Atua ni kaoki b'aai ake E a tia n anga, ao E aki kona ni m'aninga taekaia aomata ake E a tia n rineia.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.