Taian Areru 89:32 - Te B'aib'ara

³² Ao N na kareke kaia i bukin aia bure; N na karawawataia i bukin aia buakaka.

Taian Areru 89:32 ပူးပေါင်းရင်းမြစ်များ

2.Tamuera 7:14

N na riki b'a tamana, ao e na riki b'a natiu te m'aane. N na kaetia ngkana e karaoa te kaairua, n aroia naati ngkana a kaetaki irouia aia karo.

1.Uea 11:14

Bon kaain te utu ni uea mai Etom te aomata are Atata, ao e karikaki b'a ana kairiribai Toromon iroun te UEA.

1.Uea 11:31

Ao e taku nakon Ieroboam, “Anai tebwina te m'akorokoro man te kunnikai aei, ao kakauongo nakon te b'ai ae E na taekinna te UEA ae Atuan Iteraera nakoim. Ieroboam bon te UEA ae Atuam Ngai, ao N nang anaa abanuean Toromon mai i rouna, ao N nang anganiko mai iai tebwiina te baronga b'a ko na tautaekani.”

1.Uea 11:39

N na katuaaia kanoan Tawita, ma e na aki teimatoa tuaaia.

1.Uea 11:6

E taromauria te UEA taman Toromon ma nanona ni kabane, ma e aki ongotaeka Toromon ao e karaoi baika E aki kukurei te UEA iai.

1.Uea 9:6

Ma ngkana ko aki ongotaeka ke e aki ongotaeka kanoam temanna nakon Au tua, ke ni manga taromauri anti tabem'aang,

Neemia 1:7

ngke I rineia b'a n na aki ongotaeka iroum ao n aki iri nanon am tua ma am reirei ake ko angan Moote are am toro.

Iobi 9:34

E a tau oreakiu te Atua! E a tau kakamaakakiu.

Te Otinako 32:34

Ngkai ko na kairiia aomata nakon te tabo are I a tia n tuangko, ao e na kairiko Au anera. Ma N na katuaaia i bukin aia bure aei ngkana e roko te tai arei.

Amota 3:2

“Bon ti ngkoe ae I a tia n rineiko man kawakiniko mai buakoia te botannaomata; ao bon anne bukina ngkai I bati ni karawawataingkami n ami bure mani katuaaingkami i bukiia botannaomata.”