Taian Areru 89:19 - Te B'aib'ara

¹⁹ Ko taku n taai ake ngkoa i nanoni te mii nakoia am Toro ake a kakaonimaki, “I a tia ni buoka te tautia ae bati n ataaki; I a tia n anga te kaintokanuea nakon temanna ae I rineia mai buakon te botannaomata.

Taian Areru 89:19 ပူးပေါင်းရင်းမြစ်များ

2.Tamuera 17:10

Ma ngaia are, ngkana ko ninikoria kaanga te raian ma e na bon bua naba ninikoriam. A bane n ataia aomata b'a bon te tia buaka ae e korakora tamam ao te tautia ae e ninikoria.

1.Uea 11:34

Bon natin Tawita, teuare Toromon, ao bon au tia kairiiri Tawita ae e rineaki, are e karaoi b'aai ake i baairei. Ma ngaia are N kauea Toromon ni karokoa matena.

Taian Areru 3:4

I kanenea b'anaau n tataro nakoim te UEA, ao Ko kaekaai man am Maunga are Tabu.

Taian Areru 42:3

Bon ti kanau rannimatau ni ngaina ao ni bong; Ao a aki toki ni kaangai nako iu au kairiribai, “E nga Atuam?”

Taian Areru 89:3

E taku am Taeka, “I a tia ni karaoa au boraraoi ma te aomata are I rineia; I a tia ni kab'aka au taeka nakon au toro are Tawita, ni kaangai,

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 30:21

E na riki b'a ami tia tautaeka temanna mai buakoia oin ami aomata. Ao ngkana I kaoa b'a e na roko ni kaaniai n te tabo n taromauri, e na bon karaoa anne. Bon akea ae konaa n roko ni kaaniai ngkana e aki kaoaki.

Mareko 1:24

“Tera am b'ai i roura, Iesu, ae te I-Natareta? Ko nako mai b'a Ko na uruira? I kinako b'a Teuare Moan te Raoiroi Ngkoe, are mairoun te Atua.”

Ruka 1:70

N ai aron are E taekinna ni wiia ana burabeti ake a raoiroi ake a maiu ngkoa:

2.Betero 1:21

b'a bon akea te taetae ni burabeti ae roko n te tai teuana man oin nanon te aomata; ma aomata a taekina te taeka are roko mairoun te Atua, ni kairaia iroun te Tamnei are Raoiroi.

2.Betero 3:2

b'a kam aonga n uringi taeka ake a taekinaki ngkoa i rouia burabeti ake ana aomata te Atua, ao b'a kam aonga n uringi naba ana tua te Uea are te Tia Kamaiu, are te tua are taekinaki nakoimi irouia taan tuatua.

Te Kaotioti 3:7

“Ao ko na koroboki nakon ana anera te ekaretia i Biraterebia ni kaangai: “E kaangai Teuare tabu, are kakaonimaki, are iai i rouna ana king Tawita, are ngkana E kauka te mataroa ao akea ae kona ni kainna, ao ngkana E kainna ao akea ae kona ni kaukia.

1.Tamuera 16:1

Ao E taku n te bong teuana, “Tamuera, I a tia n ribaa Tauro, ao I aki tangiria b'a e na riki b'a te uea. Ko na aki nanoangaia. Uota b'aan te oriwa teutana n te kaonteina ae uarereke ao naako kawara te aomata ae arana Iete, ae maeka i Betereem. I a tia n rinea natina te m'aane temanna b'a e na uea.”

1.Tamuera 16:18

Ao e taku temanna ana aobitia, “Iai temanna natin Iete te m'aane are maeka i Betereem ae rabakau ni katangitang. Bon te tia buaka ae ninikoria, te ataeinim'aane ae botonim'aane, e kona n taetae raoi, ao e mena te UEA i rouna.”