Taian Areru 89:17 - Te B'aib'ara

¹⁷ Ko anganira te korakora are ti na kona iai n tokanikai i aoia aiara; Ko katokanikaira i bukina b'a Ko tangirira.

Taian Areru 89:17 ပူးပေါင်းရင်းမြစ်များ

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Taian Areru 112:9

E tituaraoi n anganga nakoia aika a kai nanoia, Ao akea tokin ana ataataiaomata; e na rikirake ni kamoamoaki n arona ma ni karineaki irouia aomata.

Taian Areru 132:17

Aio te tabo ae N na karika iai temanna mai buakoia ana kariki Tawita b'a te uea ae kakannato; Aio te tabo naba ae N na kateimatoa mai iai ana tautaeka te uea ae I rineia.

Taian Areru 148:14

E kakorakoraa ana botannaomata, b'a E aonga ni kamoamoaki irouia ana aomata ni kabaneia ae te botannaomata ae Iteraera, ae kakawaki i rouna. Kam na kamoamoa te UEA!

Taian Areru 28:7

Boni korakorau te UEA ao otangau; I onimakinna. E anganai buokau, ao E kakukureiai. I anene ma te kim'areirei ni kamoamoaa.

Taian Areru 75:10

E na uru korakoraia akana buakaka, Ao E karikirakei korakoraia akana raoiroi.

Taian Areru 89:24

N na tangiria ma ni kakaonimaki nakoina; N na kakatokanikaia n taai nako.

Taian Areru 92:10

Ko a tia ni kakorakoraai b'a kanga ai aroni korakoran te kaom'aane ae aki manana; Ko a tia ni kakab'aiaai ngke Ko kakukureiai.

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

I-Biribi 4:13

I konai b'aai ni kabane ni kaitarai iroun Teuare kakorakoraai.

1.Tamuera 2:1

Ao e tataro Nei Anna: Ko kakorakoraai ma ni kakukureiai, te UEA Ko kamaiuai. Ao ngkai I kim'areirei ao I ngareakiniia au kairiribai.

1.Tamuera 2:10

Ara UEA, a na maaerikiriki aomata aika buakaniko ngkana Ko buakaniia ma rebwen te baa mai karawa. Ko na motika taekan te aonnaba ae b'anin ao Ko na anga te m'aaka ma te korakora nakon am uea ae rineaki.