Taian Areru 89:12 - Te B'aib'ara

¹² Ko kariki aaba nako i aang ao nako aiaki; A anene ni kim'areirei nakoim Tabora ma Oman.

Taian Areru 89:12 ပူးပေါင်းရင်းမြစ်များ

Iobi 26:7

E arora karawa meang i aon te akea, ao E katinetinea te aonnaba n te akea.

Taian Areru 115:16

Ana b'ai karawa te UEA n ti Ngaia, ma E anga aonnaba nakoia aomata.

Taian Areru 133:3

Ai aron te aoi i aon te maunga are Oman, ngkana e ruon aoni maungan Tion. Ao anne te tabo are E tua te kab'aia iai te UEA, ae taekan te maiu ae akea tokina.

Taian Areru 24:1

Bon ana b'ai te UEA aaba nako, ma kanoaia; te aonnaba ma ake a maeka iai.

Taian Areru 24:2

B'a E katea aonnaba i aon taian taari, ao E kawenea aana i nanoni marawa.

Taian Areru 98:8

Ubouboi baimi, ngkami aika karaanga; ke a uaia n anene ni kakatonga taian tabuki i matan te UEA,

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Ieremia 46:18

Aikubita, bon te Uea ni koaua Ngai, te UEA Ae Moan te M'aaka, ngkai bon iai Ngai a na rietaata i aom kairiribai akana a buakaniko kaanga te Maunga are Tabora i buakon taian tabuki ke te Maunga are Karemera i rarikin taari.

Iotua 12:1

I m'ain maten Moote, ao a kataenikaia uea aika uoman n aaba ake i mainikun te Ioretan. Ueea aikai a tia n tautaekanii aono ake man te m'arua are Arenon ni karokoa maungan Amon are i meang, n reitaki ma iteran mainikun te karaanga are te Ioretan.

Iotua 19:22

E waaki nako te tia are mai meang nakon te maunga are Tabora ao Tiaatuma, ma Beta-temeti, nakon te karaanga are te Ioretan. Bon tebwi ma onoua kaawa aika a buubura ake a reke i nanona n reitaki naba ma kaawa aika a uarereke i rarikiia.

Tani Motiki-taeka 4:12

Ao ngke e ataia Titera b'a e a tia B'araka ni kaira ana taanga ni buaka nakon te Maunga are Tora,

Tani Motiki-taeka 4:6

N te bong teuana, ao e mena B'araka are natin Abinoam te m'aane i Keteti i Nabetari, ao e kanakoa ana taeka Tebora nakoina b'a e na roko ni maroroo ma ngaia. Ao ngke e a roko, ao E taku: Bon iai te rongorongo nakoim mairoun te UEA ae Atuaia Iteraera. Ko na botiia tebwina te nga m'aane man te baronga are Nabetari ao Teburun ao kairiia nakon te Maunga are Tabora.