Taian Areru 88:15 - Te B'aib'ara

¹⁵ I titiku ma te rawaawata ae e kaan ae N na mate iai ma ngke te teei ngai; I taonaki n rawawatani baika kamaamate aika nako mairoum, ao I a aki konai moaia.

Taian Areru 88:15 ပူးပေါင်းရင်းမြစ်များ

Iobi 17:1

A mate au kantaninga, e a boo au tai, ao e tauraoi te rua ni mate i m'aaiu.

Iobi 30:20

I tang nako Im te Atua, ma Ko aki kaekaekaai, ao ngkana I tataro, ao Ko aki kani kubarai.

Iobi 6:4

E a tia te Atua ni katebeai n taian kainikatebe, ao e buta i nanon rab'atau boitinna. E katauraoa buakanakiu te Atua.

Taian Areru 43:2

Boni Ngkoe te tia kamanoai; Ko aera ngkai Ko kitanai? I aera ngkai N na teimatoa n rawaawata ni b'ainikirinau iroun te tia ribaai?

Taian Areru 44:25

Ti b'aka ni borarabaua i aontano; Ti wene n aki konab'ai i buakoni bubun aontano.

Taian Areru 73:14

I karawawataaki n te bong koraki; E karekeaki kaiu ni katoa ingabong.

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Itaia 53:3

E ririibaaki ao e katinanikuaki; e onrake maiuna n te nanokawaki ao te rawawata ae e kakamaaku. Bon akea temanna ae e kan tarataraia. Ti kabuakaka ao ti kaangai, “Te aomata n aki akaaka!”

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Ruka 22:44

Ngke E taonaki n te rawawata ae bati, ao E a kakorakora riki n tataro; ao maonona, a riki b'a kanga ai aron timtim n raraa aika buubura aika waanako ni b'aka i aontano.