Taian Areru 88:12 - Te B'aib'ara

¹² A noraki am M'akuri aika Kamimii n te tabo are roo, Ke am Raoiroi n te aba are a m'am'anuokaki b'aai iai?

Taian Areru 88:12 ပူးပေါင်းရင်းမြစ်များ

Taian Areru 143:3

E kaeai te tia ribaai, ao I rawata ni b'ainikirinaki i rouna. E katukai n te tabo ae roo, ao I riki n ai aroia ake a kamani mate.

Taian Areru 31:12

A bane aomata n aki uringai, b'a kanga ai aron ae I a tia ni mate; Ai aron te b'ai ngai ae teweaki nako b'a akea bonganana.

Taian Areru 88:5

I tiku n aki tabeakinaki i buakoia maate; Ai aroia akana kamateaki ngai ni wene i nanon ruanimateia, Ake te koraki ake akea uringaia naba teutana iroum, Ake akea buokaia n reke mairoum.

Te Minita 2:16

Ti wanawana ke ti nanobaba, ti na boni bane naba ni mate ma ni m'aninga te aba taekara.”

Te Minita 8:10

I noora te aomata ae e buakaka ae e taunaki ma te karineaki, ma a kiitana te kaawa ae e tabu ana Aomata te Atua, ao e m'aninga te aba taekaia. Bon akea nanon b'aai aikai ni kabane.

Te Minita 9:5

Ti ataia b'a ti na boni mate, ma ngkana ti mate, ao ti bon aki ataa te b'ai teuana. Bon akea te b'ai ae e raoiroi ae e na riki nakoira, ti nako ao e a m'aninga naba te aba taekara.

Itaia 8:22

ao i aon te aba, e na reke nakoia te kiriwe ao te rotongitong, te kiriwe ae moan te kangaanga ao te rootongitong ae moan te korakora.

Mataio 8:12

ma te koraki ake a riai ni mena i nanon Uean te Atua, a na teweaki nako nako nanon te roo are i moone, ike a na tang ma n tenai riaia iai b'a kaotan ae a rotaki n te maraki ae korakora.”

Iuta 1:13

kanga naoni marawa aika kakamaaku ma aroia aika kamamaa aika noraki b'a kanga buroburon naao; kanga itoi aika tiotio nako, aika e kawakinaki i bukiia neia n aki toki n te roo ae rotongitong.