Taian Areru 87:4 - Te B'aib'ara

⁴ “N na karina aran Aikubita ma B'aburon ngkana I korei ni karinani araia botannaomata aika ongeaba nako iu; N na warekia kaain Biritia ma Tuuro ma Tiobia i buakoia kaain Ierutarem.

Taian Areru 87:4 ပူးပေါင်းရင်းမြစ်များ

Iobi 9:13

E teimatoa unin te Atua, ao E kamanatuaia Ana kairiribai ake a buoka Raaba, are manin taari ae kakamaaku, are e aki toki ni kakaitaraa te Atua.

Taian Areru 137:1

Ti tekateka i rarikini karaanga i B'aburon, ao ti tang ngke ti uringa Tion.

Taian Areru 45:12

Ane a na nikiri b'aintangira I-Turo nakoim; Ao ane a na kataia akana kaub'ai n iangoa reken ae ko na tatangiriia.

Taian Areru 68:31

Ane a na roko mai Aikubita taan tei i bukin te tautaeka; Ane a na aantaeka I-Itiobia.

Taian Areru 89:10

Ko kamanatua Raaba ao e tiringnga; Ko katae aia kai am Kairiribai ni korakorani m'aakam.

Itaia 19:11

Burababaia i bon irouia ana mataniwi uean Toan ma aia taeka n reirei aika a nanobaba. A na kangaa ni kaangai nakoina. “Ti rangi ni wanawana, ao a oki rikaaki nakoia uea ara utu ni boong ake ngkoa?”

Itaia 51:9

Uti! buokiira te UEA. Ko na korakora ao tauraoi. Uti! Karaoa te b'ai are ko a tia ni karaoia nakoia am Aomata n taai ake ngkoa. Ko bon aki tataa Raaba are te mannikaakang?

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Etekiera 28:2

Etekiera ae natin te aomata, ko na tuanga uean Turo au taeka ae e kaangai: Ko rangi ni kainikatonga b'a ko iangoia b'a te atua ngkoe ao am kaintokanuea te kaawa ae Turo. Ane ko na taekinna b'a te atua ngkoe, ngke bon te aomata ngkoe.

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

M'akuri 8:27

Ao ngaia e katauraoia, ao e nako. Ao noria, te aomata temanna, ae te I-Itiobia, ae te iunaki, ae rietaata nakoana irouni Kantake, are te uea n aine i Itiobia, ae te tia kawakini mwin ana b'ai nako neierei aika kakawaki, e a tia n roko i Ierutarem b'a e taromauri iai,

Te Kaotioti 17:5

ao e koreaki i aon ram'ana te ara ae iai nanona ae raba, ao e kaangai te ara arei: “B'ABURON AE KAKANATO, AE TINAIA KABEKAAU MA B'AIN AON TE ABA AIKA RIAI NI BATI N RIBAKI.”

Te Kaotioti 18:2

Ao e taetae n te b'ana ae korakora, ao e kaangai, “E a b'aka B'aburon are kakannato! e a b'aka ao e riki b'a neia ni maeka taimonio. Ao neia ni kabureaki tamnei aika kam'ara ni kabaneia, Ao neia ni kainaki maan aika ribaki ni kabaneia.

1.Tamuera 17:8

Ao e otinako Koria, ao e tatakarua nakon ana taanga ni buaka Iteraera: Tera ae kam a bon boborein iai? Aio te tia buaka mai Biritia ae bane arona, ao ngkami rinea ane kam taku b'a te tia buaka ae bane arona man ana taanga ni buaka Tauro b'a n na bo ma ngaia!