Taian Areru 86:9 - Te B'aib'ara

⁹ Ane a na bane n roko ni bobaraaki nako Im botannaomata nako ake Ko a tia ni karikiia; Ane a na kamoamoaa aram.

Taian Areru 86:9 ပူးပေါင်းရင်းမြစ်များ

2.Rongorongo 6:33

ao ongora mani mwengam ane i karawa ao kaekai aia tataro. Ao ane a na bane kaain aonnaba n taromauriiko, n ai aron are a karaoia ake bon am aomata aika Iteraera, ao ane a na ataia iai b'a I karaoa te Tembora aei i bukin neboakim.

Taian Areru 102:15

Ane a na maka te UEA botannaomata; a o a na bane uean aonnaba ni maka m'akana.

Taian Areru 102:18

E na koreaki aei i bukiia te roro ae na roko rimwi, B'a a aonga aomata aika na bungiaki rimwi ni kamoamoa te UEA:

Taian Areru 66:4

A bane aomata nako i aonnaba n taromauriko; A anene ni kamoamoako, A anene ni kamoamoa aram.”

Taian Areru 67:7

E a tia te Atua ni kakab'aiaira; A na bane aomata nako n taabo nako ni karinea.

Taian Areru 72:19

Kamoamoa n aki toki arana ae mimitong! E bia buta aonnaba ni mimitongina. Amen! Amen!

Taian Areru 72:8

E na raababa nako ueana nakon tokin tiani marawa, ao man te karaanga are te Iuberetiti nakon tokin tabon aonnaba.

Itaia 11:9

Akea te kabuanib'ai ae e na konaa n riki i aon ana Maunga ae e tabu te UEA. Aron te ran ngkai ae kaona taari ao ai aron naba te aba b'a e na kaonaki irouia aomata antai ae e ataa ma ni karinea te UEA.

Itaia 43:7

Bon au aomata I karikiia n tatabemaniia nako b'a a na karineai.”

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.

Itaia 66:23

Ni moanibongin te Toa ae Moan Otin Nam'akaina ao ni katoa Taabati, a na bane aomata nako n taromauriai. Bon aio au taeka Ngai ae te UEA.

Teb'ania 3:9

“Ao N na kaitiaka aia taeka botannaomata nako, b'a aonga n riki aia taeka b'a b'ain neboau; ao a na aki manga neboia anti riki tabem'aang.

Tekaria 14:9

Ao ane e na riki b'a bon ti temanna te UEA are E tautaeka kaanga te Uea ae e taromauriaki arana n te aonnaba.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

I-Rom 11:25

B'a I aki tangiringkami, taari, b'a kam na aki ata te b'ai ae raba aei, b'a kam kaawa ni bakanrabakau iai: b'a iai tem'angina i buakoia Iteraera aika a matoatoa nanoia n rawa n onimaki, ao a na tiku n aroia aei ni karokoa ae e koro m'aitiia aomata aika tiaki I-Iutaia n nakon te Atua.

I-Rom 15:9

ao b'a a aonga n neboa naba te Atua aomata aika tiaki I-Iutaia i bukin arona n nanoanga nakoia, n ai aron are koreaki ni kaangai: “Ma ngaia ae N na karaoiroiko i buakoia Tientaire Ao N na anenea aram.”

I-Ebeto 1:12

b'a ti aonga ni kamoamoa mimitongina, ngaira aika ti moa n onimakina Kristo.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”