Taian Areru 86:1 - Te B'aib'ara

¹ Te UEA, ongo irou ao buokai, B'a I kaawa, ao e kai nanou.

Taian Areru 86:1 ပူးပေါင်းရင်းမြစ်များ

Taian Areru 10:14

Ko taratara; ao Ko noori kabuanib'ai ma kaangaanga nako ao Ko tauraoi ni buobuoki n taai nako. E mwioko iroum ane kananoanga; b'a Ko buobuoka ane akea tamana.

Taian Areru 102:1

Te UEA, ongo au tataro, ao ongora ni b'anaan au bubuti!

Taian Areru 102:17

E na ongo irouia ana Aomata akana kananoanga, Ao E aki ribaai aia tataro.

Taian Areru 119:22

Kawakinai man aroia n iowawa ao n riribai, i bukina ngkai I kawakin am Tua.

Taian Areru 140:12

Ara UEA, I ataiko b'a Ko ko tei i bukiia aika akea mwengaia ao ko taraa te motiraoi nakoia aika a maiu ni kainano.

Taian Areru 142:1

I wetea te UEA b'a E na buokai; I bubutiia.

Taian Areru 17:6

Te Atua, I tataro nakoim, b'a ane ko na bon ongo irou; Ma ngaia ae tanimai moa, ao ongora n au taeka.

Taian Areru 25:16

Te UEA, tani mai nako iu, ao nanoangaai, B'a I maroaa ao I kananoanga.

Taian Areru 31:2

Ongo irou, bareiko ni kamaiuai! Ko na riki b'a au b'a ae rietaata ae nneu ni katantan, ao au nono ni kamaiu.

Taian Areru 34:6

E weteia te aomata ae kainano, Ao E ongo i rouna; E kamaiua man rawawatana ni bane.

Taian Areru 40:17

Ao ngai, I a kaawa, ao e kai nanou; Ma E ururingai te UEA: Bon te tia buobuokai ao au tia kamaiu Ngkoe, Atuau! Bareiko ni buokai.

Itaia 37:17

Ko na bon noora ana m'akuri Tennakeriba ni kabuakakako, ngkoe te Atua ae e maiu.

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Taniera 9:18

Ongo iroura te Atua; taraira ao noori ara kaangaanga aika ti mena i buakoia, ao rawaawatan te kaawa are e uouota Aram. Ti tataro nakoim i bukina b'a Ko akoi, tiaki i bukina ngke ti a tia ni karaoa te eti.

Mataio 5:3

A a kab'aia akana nanorinano, b'a aia b'ai Uean te Atua.

Ruka 4:18

“E mena Tamnein te Uea i aou, i bukina b'a e a tia n rineai b'a N na tataekina te rongorongo ae raoiroi nakoia akana aki kaub'ai. E kanakoai b'a N na tuangiia ake a riki b'a taenikai kainaomataia, ao ake a mataki b'a a na manga noraba, ao ni kainaomataaki ni kabane ake a karawawataki iai,

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?