Taian Areru 85:6 - Te B'aib'ara

⁶ Ko na manga kakorakoraira, ao ngaira, aika am Botannaomata, ti na neboiko.

Taian Areru 85:6 ပူးပေါင်းရင်းမြစ်များ

Taian Areru 138:7

Ngkana a otab'aniniai taiani kaangaanga, ao Ko boni kakaawakinai. Ko ekianako nako taan ribaai ngkana a un, ao Ko kamaiuai ni m'aakam.

Taian Areru 149:2

Kam na kukurei, ngkami te botannaomata ae Iteraera, i bukin ami Tia Kariki-b'aai; Kim'areirei, ngkami kaain Tion, i bukin ami uea!

Taian Areru 53:6

E bia reke maiuia Iteraera mai Tion! Ai kukurei ra Iteraera ngkana E a manga kakab'aiaki iroun te Atua! Ana kim'areirei ana utu Iakob'a ao ana kukurei Iteraera.

Taian Areru 71:20

Ko a tia ni karoko kaangaanga i aou ma baika I a tia ni karawaawataaki iai, Ma Ko na manga kaoka nako iu marurungiu; Ko na kawakinai man te ruanimate.

Taian Areru 74:1

Te Atua, Ko aera ngkai Ko kitanira n te aro aio? E na toki ningai unim irouia am Aomata?

Taian Areru 77:8

E a toki tangirara i rouna? E na kakoro bukin ana taeka n akoi nakoira ke E na aki?

Taian Areru 80:18

Ao ti na aki tan nako iai mairoum; Kamaiura, ao ti na neboiko.

Taian Areru 90:14

Ko na kaon nanora n am Tangira ni katoa ingabong, B'a ti aonga n anene ni kakatonga ma ni kukurei ni kabane bongini maiura.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Ieremia 3:5

kam butiai b'a N na katoka uniu, ma kam aki katoka karaoan te bure.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Otea 6:2

Ai ti uabong ke tenibong riki ao e a kamaiura ma ni kaoki korakorara b'a ti aonga ni manga maiu ma Ngaia.

Ab'akuka 3:2

Te UEA, I a tia n ongo baika Ko a tia ni karaoi, ao I onrake n te maaku. Ngkai ti maiu ao baike Ko a kaman kakaraoi. Ko na nanoanga, e ngae ngkana iai unin nanom.