Taian Areru 85:4 - Te B'aib'ara

⁴ Te Atua ae ara tia kamaiu, Ko na kaoka kab'aiara ngkoa nakoira, Ao katoka aki kukureim iroura.

Taian Areru 85:4 ပူးပေါင်းရင်းမြစ်များ

Taian Areru 25:2

Atuau, I onimakiniko; Buokai b'a N na aki mamaa ni konakiu; Tukiia aiau b'a a na aki b'ainingareai.

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 78:38

Ma E nanoangaia ana Aomata te Atua. E kab'arai aia bure ao E aki kamateia. A bati ana tai n taotaona unna, n aki karokoa nanona.

Taian Areru 80:19

Te Atua are Moan te M'aaka, Ko na kaoka kab'aiara nakoira. Kaota am Nanoanga nakoira, ao ti na kamaiuaki iai.

Taian Areru 80:3

Te Atua, Ko na kaoka kab'aiara nakoira! Kaota am Nanoanga nakoira, ao ti na kamaiuaki iai.

Taian Areru 80:7

Te Atua are Moan te M'aaka, Ko na kaoka kab'aiara nakoira; Kaota nakoira am Nanoanga, ao ti na kamaiuaki iai!

Itaia 10:25

N na katoka marakin nanou iroumi n te tai ae e waekoa ao N na katuaaia i bukin aia bure nako.

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Ieremia 31:18

A tangi nako iu Iteraera ao a taku, “Ti te bo ngaira ma taiani kao, ma Ko uruira Ngkoe ae te UEA, ao reireiniira aron te ongotaeka. Bon Atuara Ngkoe taiaoka kaokiira nakon mwengara.

B'aeb'aeti 5:21

Ko na kaokiira nakoim te UEA! Ko na kaokiira! Manga kaoki kakannatora ake ngkoa.

Taniera 9:16

Ko a tia ni kamanoira n taai ake ngkoa, ma ngaia ae Ko nang katoka unim iroun Ierutarem. Bon am kaawa, am tabuki ae e tabu. A bane n taraa Ierutarem ma am Aomata kaain kaawa nako aika i rarikira i bukin ara bure, ao aia m'akuri aika a kam'araa ara bakatibu aika a tia ni karaoi.

Otea 11:9

Iteraera, I aki konaa ni kabua nanou ni marakin nanou ma ni manga uruaniko riki. Bon te UEA Ngai ae I tabu tiaki Ngai te aomata, I aki konaa ni katutuka marakin nanou.

Mika 7:7

Ma ngai, N na tarataraa te UEA, ao N na boni kariaria te Atua ma te onimaki, b'a E na boni kamaiuai. E na bon ongo irou.

Maraki 4:6

E na kairiia ataei ma aia karo b'a a na kakorakoraa riki tangiraia i bon irouia, b'a e aonga n ae I aki karokoa te kanganga nakon te aba ngkana I roko.

Ioane 4:22

Ngkami I-Tamaria kam taromauria ae kam aki ataia; ma ngaira I-Iutaia ti taromauria ae ti ataia: b'a e roko te kamaiuaki ri nanon te botannaomata ae I-Iutaia.

Iotua 7:26

Ao a katabukirakei atiibu i aona, ao bon akekei naba atiibu ni karokoa boong aikai. Ao bon anne bukina ngkai e aranaki te tabo arei b'a M'aruan te kaangaanga. Ao e a toki unin te UEA i rouia aomatan Iteraera ngke e a mate Akan.