Taian Areru 85:3 - Te B'aib'ara

³ Ko katoka unim irouia ao Ko aki kaotinakoa unim ae korakora.

Taian Areru 85:3 ပူးပေါင်းရင်းမြစ်များ

2.Rongorongo 6:39

Ko na kakauongo nakon aia tataro m'aaka ao kab'arai aia bure aomata.

Taian Areru 106:23

Ngke E taku b'a E na kamaunaia ana Aomata, Ao e tei ana toro are E rineia, are Moote, n taetae ma te Atua i bukiia b'a E na aki kamaunaia n unna.

Taian Areru 78:38

Ma E nanoangaia ana Aomata te Atua. E kab'arai aia bure ao E aki kamateia. A bati ana tai n taotaona unna, n aki karokoa nanona.

Te Otinako 32:22

Ao e kaeka Aaron: Ko na aki un i rou. Ko bon ataa aron korakoran nanoia aomata aikai ni kaakaraoa te bure.

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 40:1

E a tia ni kaangai te Atua: “Kaungai nanoia au aomata! Anganiia te rau.

Itaia 40:2

Taetae raoi nakon Ierutarem ao katanoataa ae e kaangai: A toki am bong n tautoronaki. Bon te UEA ngai, are I kataboroa tuaam i bukin am bure nako.”

Itaia 6:7

E riinga riau n te kooro are e kabuebue ao e taku, “E a tia ni boo ma riam. A kab'araaki am bure, ao akea am bure.”

Ieremia 50:20

N na kamaiuia ti tabeman mai Iteraera ao Iuta. N na kab'ara raoi aia bure n te aro ae a na bon mauna nako raoi aia bure ma aia kaairua, ao a na aki manga nooraki.

Etekiera 16:63

N na kab'araa am bure, ma ko na riai ni iangoi am bure ma ni mamaa iai n te aro are ko na aki kakarongoa. Bon aei au taeka Ngai ae te UEA.

Iona 3:9

Antai ae na ataia ao e a ti bita naba nanona te Atua, ao ma n toki unna, ao ti a aki mate!

Mika 7:19

Ko na manga nanoangaira riki. Ko na toubekai ara bure i aani waem, ao karenakoi i kabin marawa!

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

Te Tua-Kaua 32:43

Tuangiia taiani karawa b'a a na karaoa aia bootaki ni kukurei ao taian atua ni kabane b'a a na bobaraaki nakon te UEA, i bukina b'a E na irantaangaia mairouia kairiribai aika ribaaki aika tiringiia ana Aomata. E na kab'arai ana bure Iteraera ma ni kaitiaka abaia.