Taian Areru 85:13 - Te B'aib'ara

¹³ E na ri moan te UEA te raoiroi n ai aron te tia kaira te kawai, B'a e na katanem'aneka te kawai i bukina.

Taian Areru 85:13 ပူးပေါင်းရင်းမြစ်များ

Taian Areru 119:35

Kateimatoa ongeabau nakon am Tua, b'a I kukurei iai.

Taian Areru 89:14

Ko katea ueam i aon te eti ma te motikitaeka ae e raoiroi; E ri moam te tangira ma te kakaonimaki b'a kanga taan ua-rongorongo i bukim.

Itaia 58:8

Ao ane e na ootanako iai am taura kaanga ootan taai n te kaarangaina, ao ane ko na waekoa ni kamaiuaki. E na kaawakiniko am raoiroi ngkana ko waaki, ao e na kaawakiniko mimitongin te UEA mai bukim.

Ieremia 31:14

N na kakab'aiaia Au aomata n te am'arake ae e raka riki nakon are a kainanoia, ao a na kukurei ibonga n anaa kanaia te iriko ni man are a bon taku. Bon aio Au taeka Ngai ae te UEA.

Etekiera 36:30

A na onrake arokami n taiani uaa, ao a na rikirake taiani uita n ami tawaana nako, n te aro are kam na aki manga mamaa i bukin aki taun kanami.

Nakoaia Ibonga 26:4

ao N na kab'aka te karau n te aro b'a a na rikirake arokami ao ami kai nako a na kariki uaa.

Ioane 13:34

I anganingkami te tua ae boou: kam na i tangitangiri; n ai arou ngke I tangiringkami, b'a kam aonga n i tangitangiri.

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

1.Betero 4:1

Ma ngaia ae ngkae E a tia ni maraki Kristo n rab'atana ao kam na tauraoi naba ni b'aina te nano ae ti te arona ma nanona; b'a ane e a tia ni maraki n rab'atana ao e a tia n aki tau-taekanaki maiuna n te bure.

1.Ioane 2:6

Ane taku b'a E nim te Atua ma ngaia, ao e riai n nakonako n te aro are E nakonako naba iai Kristo.