Taian Areru 84:9 - Te B'aib'ara

⁹ Te Atua, Ko na kakab'aia ara uea, are Ko a tia n rineia.

Taian Areru 84:9 ပူးပေါင်းရင်းမြစ်များ

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

2.Tamuera 23:1

Aikai ana kabanea n taeka Tawita are natin Iete te m'aane. E rinea Tawita Atuan Iakob'a ao E karikia b'a te uea ae e kakannato. E tangiraki Iroun te Atua Iteraera ae E M'aaka. E taku Tawita ngke E taetae te Atua nakoina:

2.Rongorongo 6:42

Ko na ururinga am tangira ngkoa nakon am toro are Tawita, B'a ko aonga n aki tannako mairouia am uea aika ko rineia.

Taian Areru 132:17

Aio te tabo ae N na karika iai temanna mai buakoia ana kariki Tawita b'a te uea ae kakannato; Aio te tabo naba ae N na kateimatoa mai iai ana tautaeka te uea ae I rineia.

Taian Areru 17:1

Te UEA, ko na ongora au bubuti i bukin am motikitaeka ae eti Anga taningam nakoni b'anaau ni kani buokaki! ae nako mai nanou ni koaua.

Taian Areru 2:2

A bootaki uean aonnaba n eekaanako te UEA ma ana King are E rineia.

Taian Areru 2:6

“I a tia ni kamaekaa au king i Tion, are au Maunga are Tabu.”

Taian Areru 3:3

Ma bon otangau Ngkoe, ao Ko anganai te tokanikai, ma te karineaki ae bati.

Taian Areru 59:11

Te Atua, tai kamateia, b'a a kaawa au aomata ni m'aninga taekan am Tokanikai. Kauamaenakoia ni m'aakam ao katae aia kai, te Uea ae te tia kamanoira.

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Taian Areru 89:20

I a tia ni kauea au toro are Tawita ngke I kabiria n te b'aa are tabu.

Taian Areru 98:1

Kam na anenea te anene ae boou nakon te UEA; B'a E a tia ni karaoi baika kamimii! E reke i rouna te tokanikai n oini m'akana n Atua ao ni korakorana.

M'akuri 4:27

B'a e boni koaua b'a a botaki n te kaawa aei, Erote ma Bontio Birato, ma aomata aika tiaki I-Iutaia, ma aomata aika Iteraera n te kaawa aei, n eekaanako Natim are Raoiroi, are Iesu, are Ko a tia ni kabiria.

Te Tua-Kaua 33:29

E a tia ni kamaiungkami te UEA ao ma n anganingkami taiani kakab'aia ae m'aiti riki nakon kakab'aiakiia botannaomata tabeua. Kaanga ai aron te otanga Ngaia ngkana E kamanoingkami ao bon ami kabaang ae mimitong Ngaia. A na bobaraaki ami kairiribai ma te maaku, ao ane kam na toubekai nuukaia.

1.Tamuera 16:6

Ao ngke a roko Iete ma natina m'aane, ao Tamuera, e noora natin Iete te ikawai, are Eriaba, ao e taku bon i nanona, “Tao bon aei ae na rineia te UEA.”

1.Tamuera 2:10

Ara UEA, a na maaerikiriki aomata aika buakaniko ngkana Ko buakaniia ma rebwen te baa mai karawa. Ko na motika taekan te aonnaba ae b'anin ao Ko na anga te m'aaka ma te korakora nakon am uea ae rineaki.