Taian Areru 84:5 - Te B'aib'ara

⁵ A kab'aia akana reke korakoraia mairoum, Akana e korakora i nanoia te kani m'ananga n nakonako nakon te maunga are Tion.

Taian Areru 84:5 ပူးပေါင်းရင်းမြစ်များ

Taian Areru 122:1

I kukurei ngke a kaangai nako iu, Ti a nako n te Tembora are ana auti te UEA.

Taian Areru 134:1

Nako mai, neboa te UEA, ngkami ni kabane akana ana toro te UEA, akana ami tei n tataro n te bong n te Um'antabunrianna.

Taian Areru 40:8

Ai kukurei ra ngai ni karaoa ae Ko tangiria, Atuau! I kawakina am Tua i nanou.

Taian Areru 42:4

E uruaki nanou ngke I uring boong ake a tia n nako: Ngke I m'ananga ma aomata aika bati, ni kairiia nakon um'an te Atua; Ao a anene ma te b'ana ni kakatonga ma n nebonebo nakon te Atua.

Taian Areru 55:14

Ti uaia ni kukurei n taetaenikawai n ara tai n nakonako ma aomata i nanon am Tembora.

Taian Areru 65:5

Ko anganira te tokanikai b'a kaekakira iroum, Ao Ko karaoi baika kamimii b'a ti aonga ni kamaiuaki iai. A bane ni mwioko iroum aomata nako i aon te aba ma ake a maeka i kiraroa ni katokini marawa.

Taian Areru 81:1

Kam na anene ni kim'areirei nakon te Atua ae otangara; Kam na anene ni kakatonga nakon Atuan Iakob'a.

Itaia 26:9

E kakaaeko nanou inanou ngke e bong, i bukina ngke e kaotaia aomata nako n te aonnaba aei aron maiuia ae e eti.

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Ieremia 31:33

Bon aei te boraraoi ae e boou ae I a manga karaoia Ngai ae te UEA ma ngkami Iteraera: “N na korea Au tua i nanoia ma aia iango. N na riki b'a Atuaia, ao a na riki b'a Au aomata.

Ieremia 31:6

N te bong teuana ane a na takaarua koraki akana tararuaa maungan Tamaria ni kaangai, “Ti a nako Tion n taromauria te UEA ae Atuara.”

Mika 4:2

Ao a kaangai aomata, “Ti a rierakea ana tabuki te UEA, are e mena iai ana Tembora Atuaia Iteraera, b'a E na reireiniira baika E tangirira b'a ti na karaoi. Ti na nakonako i nanon kawai ake E a tia n rinei. A roko ana taeka n reirei te UEA mai Ierutarem, ao E taetae nakoia ana aomata mai Tion.”

Tekaria 10:12

N na kakorakoraia Au aomata i bukina ngkai bon te UEA Ngai, ao a na irai. Bon aei Au taeka Ngai ae te UEA!

2.I-Korinto 12:9

Ao E kangai nako iu, “E tau i bukim au akoi, b'a e oti aroni m'akau b'a e korakora n te mamara.” Ma ngaia ae moan te kukurei ngai ni kamoamoaai ni mamarau, b'a e aonga ni memena m'aakani Kristo i aou.

I-Biribi 4:13

I konai b'aai ni kabane ni kaitarai iroun Teuare kakorakoraai.