Taian Areru 84:11 - Te B'aib'ara

¹¹ Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Taian Areru 84:11 ပူးပေါင်းရင်းမြစ်များ

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

Taian Areru 119:114

Bon te tia kamanoai Ngkoe ao otangau; E wene au kaantaninga n am Taeka.

Taian Areru 15:2

Bon tii uake a ongeaba iroun te Atua ao ni kakaraoa ae raoiroi. A tataekina te koaua

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 3:3

Ma bon otangau Ngkoe, ao Ko anganai te tokanikai, ma te karineaki ae bati.

Taian Areru 47:9

A bane ni bootaki aia uea natanaomata ma ana botannaomata te Atua are Atuan Aberaam; B'a ana b'ai te Atua uea n aon te aba; ana katikui aia b'ai ni buaka E raka aroni karineana.

Taian Areru 84:9

Te Atua, Ko na kakab'aia ara uea, are Ko a tia n rineia.

Taian Areru 85:12

E na karikirakea kaub'aira te UEA, Ao e na taiaki ae bati mani marin abara.

Taeka n Rabakau 10:9

Kam na maiu ngkana kam kaakaraoa ae e raoiroi n taai nako ma kam na reke, ngkana e aki raoiroi maium.

Taeka n Rabakau 2:7

E anga te Atua taian reirei aika a i buobuoki nakoia aomata ni kabane aika ongotaeka i rouna ao ni kaawakiniia ni kabane aika a maiu n aron are a kaantaningaaki iai.

Taeka n Rabakau 28:18

E na kaawakiniko te raoiroi, ma a na bane ni b'aka aomata nako akana a aonikai.

Taeka n Rabakau 28:6

E raoiroi riki te maiu ni kainano ma te maiu ae e raoiroi, nakon te maiu ni kaub'ai ao karaoan ae e aki riai.

Mika 2:7

Ko taku n am iango b'a e a roko te maraia i aon Iteraera? E a aki taotaona nanona te UEA? E nang kareke kaira? E a aikoa taetae raoi nakoia aika a kakaraoa ae e raoiroi?”

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

Ioane 1:16

Man onrakena n te akoi ma te koaua, ao ti a karekea iai te akoaki teuana i mwin te akoaki teuana.

Ioane 1:9

Bon arei te Oota ni koaua, are E roko i aon te aba, ao E oota i aoia aomata ni kabaneia.

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

2.I-Korinto 4:17

B'a rawawatara ngkai ae bebete e na uotiira nakon te mimitong ae e raka arona ae e aki totoki ae akea aroni kabotauana.

I-Karatia 2:14

Ma ngke I nooriia b'a a aki toua te kawai ae eti ma koauan te euangkerio, ao I kaangai nakoni Keeb'a i mataia aomata akekei ni kabaneia, “Ngkai te I-Iutaia ngkoe, ao ko aera ngkai ko kairoroia aomata aika tiaki I-Iutaia b'a a na maiu n ai aroia I-Iutaia?”

Te Tua-Kaua 18:2

i bukina b'a E a tia ni berita te UEA b'a E na karerekei kainanoia n te aro aei.

I-Biribi 1:6

ao I koaua raoi n aei, b'a Teuare moana te m'akuri ae e raoiroi i nanomi, E na boni wakina karaoana ni karokoa ae e tia n ana bong Kristo Iesu.

I-Biribi 4:19

Ao Atuau, E na anganingkami b'aai ni kabane aika a kai nanomi iai mani kaub'aina ae bati irouni Kristo Iesu.

Te Kaotioti 21:23

E aki kainanoa taai ke nam'akaina te kaawa arei i bukin ootana; b'a ootana boni mimitongin te Atua, ao taurana bon te Tiibuteteei.