Taian Areru 82:8 - Te B'aib'ara

⁸ Te Atua, nako mai, tautaeka i aonnaba; B'a bon am B'ai Botannaomata nako.

Taian Areru 82:8 ပူးပေါင်းရင်းမြစ်များ

Taian Areru 102:13

Ko na teirake ni kaota nanoangaan Tion: B'a e a bo ana tai n akoaki; aio raoi taina.

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 2:8

Ko na butiai i bukiia botannaomata ni kabaneia i aonnaba, ao N na anganiko ni kabaneia.

Taian Areru 22:28

Bon te king te UEA, ao E tautaeka i aoia botannaomata.

Taian Areru 44:26

Ko na nako mai ni buokira! Kaota am Atataiaomata ni kamaiura!

Taian Areru 7:6

Te UEA, Ko na un; Karaoa te m'akuri teuana! Eekinakoia au kairiribai. Ao taraia b'a e na karaoaki te kaetitaeka ae eti.

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

Taian Areru 94:2

Te tia motiki taekaia aomata Ngkoe; Tei rake, ao anganiia akana kainikatonga rekeni kaiia ni kaeti ma baike a karaoi.

Taian Areru 96:13

Ngkana E roko te UEA n taua taekan aonnaba. E na tautaekaniia aomata nako i aonnaba n te eti ma te aki nanonano.

Itaia 51:9

Uti! buokiira te UEA. Ko na korakora ao tauraoi. Uti! Karaoa te b'ai are ko a tia ni karaoia nakoia am Aomata n taai ake ngkoa. Ko bon aki tataa Raaba are te mannikaakang?

Mika 7:2

Bon akea nikiran te aomata ae e raoiroi n tiku n te kaawa, akea ae e kakaonimaki nakon te Atua. A bane ni iangoa te kan tiritiri aomata nako. Ai bon te ikam'aam'ane temanna ma temanna i nanon aia kaawa.

Mika 7:7

Ma ngai, N na tarataraa te UEA, ao N na boni kariaria te Atua ma te onimaki, b'a E na boni kamaiuai. E na bon ongo irou.

Teb'ania 3:8

“Ma ngaia ae kam na tataninga, bon ana taeka te UEA, “taningaa te bong are n na bairei taekaia botannaomata nako iai. I a tia ni baireia i nanou b'a N na bootia botannaomata nako iai. I a tia ni baireia i nanou b'a n na botiia botannaomata ma aaba n uea nako, n te aro b'a ana namakina korakoran uran uniu.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”