Taian Areru 82:5 - Te B'aib'ara

⁵ Ai nanoroo ra ngkami! Kam a baba ra! A buretata aromi, ao e a bua te kaetitaeka ae e raoiroi mai aon te aba.

Taian Areru 82:5 ပူးပေါင်းရင်းမြစ်များ

Iobi 8:9

A kimototo maiura, ao akea te b'ai teuana ae ti ataia. Ti m'ananga i aon te aonnaba kaanga te nu.

Taian Areru 11:3

Ngkana a uruaki tuua i bukin te botannaomata, ao akea te bae e kona ni karaoia te aomata ae e raoiroi.”

Taian Areru 14:4

Buakaka ma kammaira! E koaua b'a kam boni rangi ni bangab'ai? Kam raarawa n tataro, ao kam kang ana Aomata te UEA.

Taian Areru 53:4

E taku te Atua, “A aki ataia?” A nanoroo nakana taani kakaraoa ae buakaka? A maiu mani kurib'aiaia au aomata, Ao a tuai man tataro nako iu.

Taian Areru 75:3

A ngae n ruru maan aika maiu, ao e m'aeiei aonnaba, Ma N na boni kawakini bouana b'a a na nene ni matoatoa.

Taian Areru 99:1

Ara UEA bon te king; ao a makua aomata; E tekateka i aon ana kaintokanuea are i aoia kerubim ao e m'ainging aon te aba.

Taeka n Rabakau 1:29

Eng, e na bon akea te b'ai ae kam na ataia, ao kam na bon rawa ni karinea te UEA.

Taeka n Rabakau 2:13

ake a onika karaoan te raoiroi ni manga maeka n te roo.

Taeka n Rabakau 4:19

Katein maiuia aomata aika a buakaka kaanga ai aron te rotongitong ae e korakora, ao a na bon aki konaa n ataia b'a tera ae e toki waeia iai.

Te Minita 2:14

Maata aika uoua aika a raraoi kaanga ai aron te wanawana; ao te nanobaba e katikuko i nanon te roo. Te wanawana ke te nanobaba, ma ti te bo tokira.

Te Minita 3:16

I noora te waaki ae e buakaka, ao ae e aki eti n taabo nako n te aonnaba n onea mwiin te waaki ae e raoiroi ao ae e eti.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Itaia 59:9

Bon akea ae e a tia n roko n tei i bukira ke ni uota te motiraoi nakoira. Ti kaantaningaa bongin te oota, ma e ti reke iroura te rootongitong, ao te tairiki ae e ianroo.

Mika 3:1

Ongora ngkami aika taan taua taekan Iteraera! Kam kantaningaaki b'a kam na kaawakina karaoan te eti,

Ioane 12:35

E taku ngkanne Iesu nakoia, “E na aki rangi ni maan ana tai te oota ni mena i buakomi. Ma ngaia are, kam na nakonako ngkai iai te oota, b'a e kaawa n taoningkami te roo; ane nakonako n te roo, ao e aki ata ike e nako iai.

Ioane 3:19

Ao aio te b'ai ae e motikaki taekan te aba iai: b'a e a roko te oota i aon te aba, ao aomata a tangira riki te roo nakon te oota, i bukina ngkai a bubuaka aia m'akuri.

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

1.Ioane 2:11

Ma ane riba tarina ao e mena n te roo, ao e nakonako n te roo n aki ataa ike e nako iai, b'a e kamatakii matana te roo.