Taian Areru 81:12 - Te B'aib'ara

¹² Ma ngaia ae I kariaia b'a a na iri nanoia aika matoatoa, ni karaoi baike a tangiri.

Taian Areru 81:12 ပူးပေါင်းရင်းမြစ်များ

Karikani B'aai 6:3

Ao i mwiin anne, ao E taku te Atua, “N na kauarerekea maiuia aomata, b'a bon rab'ata ngaiia. Ni moa man te tai aei, ao a nang aki manga raka ririkin maiuia i aon 120 te ririki.”

2.Uea 18:12

A riki b'aai aikai ni kabane i bukina ngke a aki ongotaeka Iteraera iroun te UEA ae Atuaia. A aki kubara te boraraoi ae e matoa are E a tia ni karaoia ma ngaiia, ao a aki tabe ma b'aai ni kabane ake e a tia n tuangiia ana toro te UEA are Moote.

Neemia 9:16

A aki ongotaeka ara bakatibu ake a taningabono a m'aninga taekan taian kakai ake ko a tia ni karaoi i bukiia, ao a iangoia b'a a na okira Aikubita ma ni manga riki naba b'a taian toro.

Iobi 8:4

A boni bae n tia ni bure natim nakon te Atua, ma ngaia are, E katuuaia ni uaan aia m'akuri.

Te Otinako 11:9

E taku te UEA nakon Moote, “Ane na teimatoa te uea n rawa n ongo i roum, b'a I aonga ni konaa ni karaoi au kakai i Aikubita.”

Itaia 30:1

Aio ana rongorongo te UEA i bukiia ana Aomata aika a kamangao: Kam iri oin ami babaaire ao kam aki iri au babaaire; kam karaoi taiani boraraoi i marenami ma tautaeka tabeua ao kam titirakinai moa, ao kam teimatoa ni buubure.

Itaia 30:9

A tia ni kaaitaraa te UEA ao a aki konaa n onimakinaki. A tia n rawa nakon ana taeka n reirei

Itaia 42:24

E bubure Iteraera ao e rawa n ongotaeka iroun te UEA ke n aki iri ana babaaire. Ma ngaia are, e karaoia te UEA b'a a na iraeaki aia b'ai ni kabane.

Ieremia 42:21

i bukina b'a I a tia n anganingkami Ana kaeka te UEA, ao kam rawa n ongo i Rouna.

Ieremia 7:24

Ma a aki kan ongo ami bakatibu. A bonotaninga, ao ngkana I tangiria b'a a na nakon te kawai teuana, ao ngaiia a aki toki n nakon te kawai teaina.

Etekiera 20:8

ma a bon kamangao naba nako iu. A rawa n ongo ao a teimatoa n taromauriia taiani bouannanti ao antiia ianena. Ao I baaireia b'a N na katuaaia Iteraera i Aikubita i bukin marakin nanou.

Otea 9:17

Iteraera, ko aki ongotaeka nakon Atuau. Ngkai n nang kairoroingkami b'a kam na tiotio nako man te botannaomata teuana nakon te botannaomata teuana.

Nakoaia Ibonga 26:14

E taku te UEA, N na katuaaingkami ngkana kam aki ongotaeka nakon au tua.

M'akuri 14:16

I nanon rooro ake rimoa, ao E aki tutukiia botannaomata nako mani karaoani baike a tangiri;

M'akuri 7:42

Ao E tannako te Atua mai rouia, ao E katikuia n aroia b'a a na taromauri itoini karawa; n ai aron are koreaki n aia boki burabeti, ni kaangai, “Ngkami aika te botannaomata ae Iteraera, tiaki i buku maan ake kam tiring ao kam anga b'a ami karea n te rereua angaun te ririki?

I-Rom 1:24

Ma ngaia are, E katikuia te Atua n aroia n tangira te kammaira, ao a karaoi m'akuri ni kamamaa nakon rab'ataia, temanna nakon temanna.

1.Tamuera 8:19

Ao a aki kan ongo aomata iroun Tamuera ao a kaangai, “Ti aki, b'a ti na katotongiia botannaomata ake tabeua.