Taian Areru 80:9 - Te B'aib'ara

⁹ I mwini kakioakinakoaia iroum, ao ti kanenei wakaara iai; Ao e buta aon te aba irouia.

Taian Areru 80:9 ပူးပေါင်းရင်းမြစ်များ

2.Tamuera 7:10

I a tia n anganiia au aomata aika Iteraera oin abaia ike a na konaa ni maeka ma te rau iai, ao a na aki manga ruru ni maaku riki. A na aki manga roko aomata aika a buakaka n aki karauaia, n aron are a tia ni karaoia ngkoa

1.Uea 4:20

A bon rangi ni m'aiti aomata aika a maeka i Iuta ao Iteraera ngke e uea Toromon n te aro are kaanga ai aron tanon aon te bike. A bane ni ngae n am'arake mani mooi aomata ao a kukurei.

1.Uea 4:25

I nanon ana tai ni maiu Toromon ao a bane n rau aomata ake a maeka i aon Iteraera, ni moa man te kaawa are Taan i meang, ao n toki i Beerateb'a i maiaki. A tekateka ma te rau n aki kakiriweaki utu nako i aan arokaia te kureebe, ao arokaia te biiku.

1.Rongorongo 21:5

ao e tuanga Tawita b'a m'aitiia m'aane aika kaain ana taanga ni buaka bon teuana te mirion ao tebubua tengaa mai Iteraera ao abubua itibwi tengaa mai Iuta.

Taian Areru 105:44

Ao E anganiia aaba ake abaia botannaomata tem'angina, Ao E anganiia naba aia b'ai nako ake uaani mwin aia m'akuri:

Taian Areru 44:3

E aki reke te aba irouia ara bakatibu n aia b'ai ni buaka; Ao e aki reke irouia n oini korakoraia; E reke ni m'aakam ao ni korakoram: mani kakoauaan memenam irouia ni kaotia b'a Ko tangiriia.

Itaia 27:2

N te tai arei kam na riai n anenea te nne ni kureebe ae e rangi ni uaa

Itaia 27:6

N te bong teuana ao ane e na nene wakaaia aomatan Iteraera kaanga te kureebe. Ane a na uee ma ni kariki uaa aika a na kaona te aonnaba.

Itaia 37:31

Koraki aika a tiku ni maiu i Iuta bon te koraki aika ai aron taian kureebe ake a kanene wakaaia rikaaki ao a kariki ua.

Itaia 5:2

E kena te tano raoraou, e kanakoi taian atiibu, ao e uniki taian kureebe aika a rangi n raraoi. E karaoa te taua n taratara ao e kena te b'angab'anga n te tabo ae e ririb'a i bukin kamantan taiani kureebe. E kaantaningaia b'a a na rangi ni karewerewe, ma a bane n tii nako uaaia aika a maai.

Ieremia 12:2

Ko unikia kaanga aroka; ao Ko kariaia b'a a na maiu raoi ma ni kariki uaa. Ao ngkana a neboiko ao bon akea nanoia iai.

Ieremia 2:21

Bon te kureebe ngkoa ngkami aika kam rineaki, ma ngkai a akea te b'ai ae e na reke iroumi ma ai ti taian kureebe aika a uarereke aika a buakaka.

Iotua 24:12

Ngke kam roko b'a kam na buakaniia uean Amoraite ake uoman, ao bon akea bonganan ami kainikatebe ma ami kabaang i bukina ngke I a kaman karina te maaku i nanoia ao I kakioia nako mai m'aaimi.