Taian Areru 80:15 - Te B'aib'ara

¹⁵ Nako mai ao buokiia am aomata aika Ko a tia ni kamaekaia ikai ma ni karikirakeia b'a te botannaomata ae korakora!

Taian Areru 80:15 ပူးပေါင်းရင်းမြစ်များ

Taian Areru 80:8

Ko uota te kai ae te kureebe ni kaotinakoia mai Aikubita; Ko kakioia nako botannaomata tabeua ao ko unikia iai b'a ana abanna.

Taian Areru 89:21

Iriana korakorau n taai nako, E na kakorakoraki ni m'akau.

Taian Areru 90:13

Te UEA, ai ti maanraa am Tai n un? Ani bita nanom, ao nanoangaira, ngaira aika am Toro.

Itaia 11:1

Kaanga te m'aanga ae e bwebwerake man te boto, ao ai aron naba temanna ae e na nako man ana utu Tawita are e na uea n te bong teuana.

Itaia 49:5

E a kaman rineai te UEA ae te Atua i m'aain bungiakiu b'a N na m'akuri i bukina ao ni kaokiia Iteraera. Ma ngaia are, e a tia ni karineai te UEA ma ni kakorakoraai.

Itaia 63:15

Taiaoka te UEA, taratara rikaaki man am tabo ane e tabu ma ni mimitong ane mwengam ane n taiani karawa ao noora te b'ai ae e riki. Ko a aki tangiria? E ngaa m'aakam? Kaotia b'a ko bon tabeakiniira ao ko nanoangaira!

Ieremia 2:21

Bon te kureebe ngkoa ngkami aika kam rineaki, ma ngkai a akea te b'ai ae e na reke iroumi ma ai ti taian kureebe aika a uarereke aika a buakaka.

B'aeb'aeti 3:50

Ni karokoa E na taraira te UEA mai karawa, ao E na norira.

Tekaria 3:8

Kakauongo raoi irou, te ibonga ae e rietaata ae Iotua ao ibonga ni kabane. Boni ngkami kanikinaean b'aai aika a na roko, b'a N nang kaoka au tia m'akuri, te Uea ae e rineaki.

Tekaria 6:12

Tuangnga au taeka ae e kaangai, “Iai temanna ae na nako mai ikai kaanga te m'aanga ao e na katea te Tembora i buku. N na aranna b'a ‘M'aanga’, ao e na tautaeka ma te karineaki.

Mareko 12:1

Ao E taetae Iesu nako ia n taeka ni kabotau: “Iai te aomata temanna ae karaoa ana onaroka ao e uniki kureebe iai. E katea oona ni katobibia, ao e kena nnen te b'ai ni karao wain, ao e katea te tabo n taratara i bukiia taan teiakina te onaroka. E anganako ngkanne te onaroka arei nakoia taan ribana b'a a na m'akuriia, ao ngaia e nako n te aba teuana.

Ioane 15:1

“Ngai te kai ae te kureebe ni koaua, ao Tamau te tia ribana.

Te Tua-Kaua 26:15

Ara UEA, Ko na tararikaaki man am Tembora ane i karawa ao kakab'aiaia Iteraera. Ko berita ngkoa nakoia ara bakatibu b'a Ko na anganiira te aba aei ae kaub'aina te miriki ma ana karewe te manibeeru, ao Ko a tia ni kaawakina am Berita.