Taian Areru 8:5 - Te B'aib'ara

⁵ Ko kamangoria riki nakoim; ao Ko bauniia n te mimitong ma te karineaki.

Taian Areru 8:5 ပူးပေါင်းရင်းမြစ်များ

Karikani B'aai 2:7

Ao E buatii taian tano tabeua te UEA ae te Atua man tanon aonnaba, ao E karaoa te mm'aane mai iai; ao E uka te ikeike ni maiu nako b'angab'angan b'airina, ao e a maiu te mm'aane arei.

2.Tamuera 14:29

E tangiria Ioaba Abetarom b'a e na taetae ma Tawita i bukina. Ma ngaia are, n te bong teuana, e kanakoa ana rongorongo ni buubutiia Ioaba b'a e na kawaria, ma e rawa Ioaba. E a manga kanakoa riki ana kauoua n rongorongo, ma e bon teimatoa naba Ioaba n rawa.

Iobi 7:17

E aera ngkai e rangi ni kakawaki te aomata i Roum? Bukin tera ko nang tarai baike a karaoi?

Taian Areru 103:20

Karaoiroa te UEA, ngkami aika anera aika kam korakora, Aika kam ongeaba nakon ana taeka ao kam ongora n te bae E taekinna.

Taian Areru 103:4

E kawakina maium man te mate, ao E kakab'aiako n ana tangira ma ana nanoanga.

Taian Areru 144:3

Te UEA, tera te aomata ngkai Ko katabeko i rouna ao Ko mutiakinna, ngkai ti te aomata ngaia?

Taian Areru 45:6

E na teimatoa n aki tootoki ueam are E a tia n anganiko te Atua; Ko tautaekaniia am aomata ma te eti;

I-Ebeto 1:21

ike E tautaeka iai i aoia uea ni kabaneia, ma ake a korakora, ma ake a m'aaka, ma ake a tautaeka, ao i aoia aara ni kabane aika atongaki, tiaki i aon ti te aba aei, ma i aon naba te aba are na roko.

Ebera 2:16

B'a E aki tauia anera ni kamaiuia, ma E tauia ana kariki Aberaam ni kamaiuia.

Ebera 2:7

Ko karinanoa riki nakoia anera i nanon te tai ae aki maan; Ko baunna b'a kanga te uea n te neboaki ma te karineaki.

Ebera 2:9

Ma ti nora Iesu, are karaoaki ni karinanoaki riki nakoia anera i nanon te tai ae aki maan, b'a E aonga ni mate i bukiia aomata ni kabaneia; ao e riki aei man nanon te Atua n akoi. Ti noria ngkai b'a E a baunaki n te neboaki ma te karineaki i bukin arona ni maraki ma ni mate.