Taian Areru 79:2 - Te B'aib'ara

² A katikuia am Aomata ake a mate b'a kanaia mannikiba ma maan ni kaakang.

Taian Areru 79:2 ပူးပေါင်းရင်းမြစ်များ

Ieremia 15:3

N na katuaaingkami ni kawai aika aua aika a kakaokoro. Ane kam na mate n te buaka ao a na katitikaki nako rab'atami irouia kamea, a na kanaki irikomi irouia mannikiba, ao a na kam'akeruaki riimi irouia maan aika a aki manana.

Ieremia 16:4

Ane a na mate n te aoraki ae moan te kamaamate ao n te buaka ao te baki. Ao bon akea temanna ae e na karaoa te bootaki ni mate i bukiia ke n tauniia, ao e na riki rab'ataia b'a kanaia mannikiba ao maan aika a aki manana. Ao nikiran rab'ataia a na tiku i aon te tano kaanga nakotariia maan.

Ieremia 19:7

Bon iai ami babaaire aika a rangi ni korakora ngkami aika kaain Iuta ma Ierutarem, ma N na urui taian babaire akanne i nanon te m'arua aei. N na karaoia ami kairiribai b'a a na tiringkami, ao N na tuangiia taiani mannikiba ao maan aika a aki manana b'a a na kang rab'atami ngkana a mate.

Ieremia 34:20

A na tiringkami kairiribai aikai ma ni katikui rab'atami n aki akaaka i aon te tano b'a kanaia mannikiba ao maan aika a aki manana.

Ieremia 7:33

ao ane a na raea rab'ataia aomata i aon te tano. Ane a na roko mannikiba ma maan ni kang rab'ataia, ao akea temanna ae e na konaa ni kakamaakuia ni kanako ia.

Teb'ania 1:17

E taku te UEA, “N na karokoa te kanganga nako aoia aomata, b'a aonga n nakonako ni kakaenako baaia kanga te aomata ae e mataki. A tia ni bure nako iu, ao ngkai ana waanako raraaia n ai aron te ran, ao rab'ataia ana wene n raea ni mate, ma ni buakaka i aontano.

Te Tua-Kaua 28:26

ao bon akea ae na aki karauia mannikiba ma man aika kawakawa aika aki manana ngkana a kang rab'atami ngkana kam mate.