Taian Areru 78:71 - Te B'aib'ara

⁷¹ ike e tararuaia iai, Ao E karikia b'a te uea i aon Iteraera, n ai aron te tia kawakin-tiibu i bukiia ana aomata te Atua.

Taian Areru 78:71 ပူးပေါင်းရင်းမြစ်များ

Karikani B'aai 33:13

Ao e taku Iakob'a, “A rangi ni waeremweremwe ataei aikai, ao I iangoia naba tiibu ma maan aikai ma natiia aika uarereke. Ngkana tao a imanonoaki ni kawaekoaki i nanon ti te bongina, ao a na bon bane ni mate.

2.Tamuera 20:19

Bon Iteraera ngaira, ao ti tangira te rau! Ti rangi ni kakaonimaki ni b'aai nako. Ao e aera ngkai ko tangiria n urua te kaawa ae ti te bo ma te tina nakon Iteraera? E aera ngkai ko tangiria ni kamaunaiia Ana aomata te UEA?”

2.Tamuera 24:17

E noora te anera Tawita ngke e tiringiia aomata nako ao e taku nakon te UEA, “Bon ti te bo aomata aikai ma tiibu ao Ngai aia tia kaawakintiibu. I a tia ni bure korakora, ao a bon aki bure. Taiaoka, katuaaeai ma au utu ma Ko na aki katuaaia!”

2.Tamuera 5:2

Ngke e bon uea naba ngkoa Tauro, ao ko bon kairiia naba ara botannaomata nakon te buaka. E a tia ni berita te UEA b'a ko na riki b'a te tia tautaekana Iteraera ma ni kaawakinna kaanga te tia kaawakintiibu.”

2.Tamuera 7:8

Tawita, aei au taeka Ngai ae te UEA ae Moan te M'aaka nakoim. I uotiko n nako mai man te tawaana are ko tararuaia am nanai n tiibu iai, ao I karikiko b'a te tia kairiiri irouia au aomata.

1.Rongorongo 11:2

ao ti ataia b'a ko a tia ni kaira ara taanga ni buaka nakon te buaka, ngke e boni uea naba ngkoa Tauro. E a tia ni berita te UEA b'a ko na tautaekana abara ao ko na kaawakiniira n ai aroia tiibu.

Taian Areru 28:9

Te UEA, kamaiuia am botannaomata; ao kakab'aiaia te koraki akana am b'ai. Ko na riki b'a te tia kawakinia n ai aron te tia kawakin-tiibu; ao kawakinia n aki toki.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Mataio 2:6

‘Ao ngkoe ae Betereem ae kawan Iuta, ko ataaki irouia ake a tautaeka i Iuta; b'a te kawa teuana i buakoni kawana ake a rangi ni kakannato, b'a E na nako mai roum te Uea are na kawakinia au aomata ake Iteraera.’ ”

1.Betero 5:2

kam na tararua raoi ana nanai te Atua ma ni kawakinna raoi, tiaki n te aro ae kam kairoroaki iai; ma kam na kawakinna ma te nano ni kukurei n ai aron nanon te Atua. ao kam na kawakinna naba, tiaki i bukin te kanib'aib'ai n te aro ae aki riai, ma i bukina b'a bon iai nanomi ae korakora nako iai;

1.Tamuera 10:1

Ao e anaa te tiaeki ni b'a n oriwa ae uarereke Tamuera ao e kab'aroa i aon atuun Tauro. Ao i mwiina, e kiitina Tauro ao e taku nako ina: E a tia n rineiko te UEA b'a te tia kairiiri ao te tia tautaeka i aoia Ana aomata.