Taian Areru 78:69 - Te B'aib'ara

⁶⁹ E katea ana Tembora ikekei n ai aroni mwengana i Karawa; E kamatoatoaa n ai aron aonnaba are E karaoia b'a e na nene ni matoatoa n aki toki.

Taian Areru 78:69 ပူးပေါင်းရင်းမြစ်များ

1.Uea 9:8

E na riki te Tembora aei b'a te b'ariko n atiibu. A na tiaoki akana a nakonako i rarikina, ao a na titiraki ni kaangai, E aera ngkai E karaoa te b'ai ae e kakamaaku aei nakoia ana Aomata ma ana Tembora?

1.Rongorongo 29:1

E taku Tawita nako ia aomata: E rinea natiu te m'aane are Toromon te Atua b'a e na katea te Tembora, ma e uarereke Toromon ao e tuai rabakau ni kateitei. Tiaki te auti n aki akaaka te auti aei b'a bon ana Tembora te UEA ae te Atua!

1.Rongorongo 29:19

Angan Toromon te nano ni kan ongotaeka nakon am tua ma am reirei ma nanona ni koaua, ao tangiran kan karaoan te Tembora ake I a tia ni katauraoi b'aintangira aikai i bukina.

2.Rongorongo 2:9

b'a I tangira te kai ae e rangi n rawata i bukin katean te Tembora ae korakora ae e mimitong.

2.Rongorongo 3:4

I matan te Tembora bon te kaman ae 9 te miita rababana, ao 9 te miita rietana. Nanon taian kaman arei e kabiraki n te koora ni koaua.

Iobi 26:7

E arora karawa meang i aon te akea, ao E katinetinea te aonnaba n te akea.

Taian Areru 102:25

Ko kawenea aan aonnaba ngkoangkoa, ao Ko karaoa karawa ni baim.

Taian Areru 104:5

Ko katea aonnaba i aoni bouana, ao e na tei n nene ni matoatoa iai n aki toki.

Taian Areru 87:1

E katea ana kaawa te UEA i aon te maunga are tabu;

Itaia 48:13

I karika te aonnaba n oin baiu ao n taakina nako karawa. A ongotaeka n taeka ni kabane.

Itaia 51:6

Karaua n taraa karawa! Tarai aonnaba. E na mauna nako karawa kaanga te bubu; ao e na mangaingai te aonnaba kaanga taiani kunnikai. A na bane ni mate aomata aika i aon te aonnaba kaanga taian nango. E na akea tokin au tokanikai; ao e na teimatoa m'aakau ni kakamaiu.

Te Kaotioti 20:11

Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.

1.Tamuera 2:8

Ko tabekiarake aomata aika kainano ao aika akea mwengaia Ko anaia mai buakon turam ni maange ao Ko anganiia te nne ae karineaki i nanon taiani bareti. Ko katea te aonnaba i aon taian aana, ao bon am b'ai.