Taian Areru 78:63 - Te B'aib'ara

⁶³ A mate aia rorobuaka n te buaka, Ao akea ae a na mare ma aia ateiaine.

Taian Areru 78:63 ပူးပေါင်းရင်းမြစ်များ

Taian Areru 78:21

Ngke E ongo te UEA aia taeka aikai ao E un; E ekinakoaia nakoia ana botannaomata n te ai, ao e rikirake unna nakoia,

Itaia 4:1

Ngkana e riki aei, ao ane a na uneakina temanna te m'aane itiman aine, ao a na kaangai n tatabemaniia, “N na bon kabooi kanau ma kunnikaiu! Ko na ti mare ma ngai b'a a aonga n nako kamamaaeau.”

Ieremia 16:9

Kauringiia kaain Iuta b'a N na katoki aia bootaki ni kukurei ma aia botaki ni mare Ngai ae te UEA ae Moan te M'aaka.

Ieremia 25:10

N nang katoki ami baka ni kukurei ma bootaki ni mare; akea riki ae e na manga kamanta te uita ke ni mena ikai ni kaura te taura n te bong.

Ieremia 7:34

Ngkana e a bane te b'ai are N na karaoia nakon abami, ao ane e na akea te b'anaa ae e konaa n ongo te aba ni b'ain nako Ierutarem ake a uruaki ma kaawan Iuta, akea te b'anaa ni kukurei, akea b'anaan te bootaki ni kukurei ke karongoaan te bootaki ni mare.

Warekaia Iteraera 11:1

Ao n te bong teuana, ao a ngurengure Iteraera i bukin aia kangaanga. Ao E ongo te UEA ngurengureia, ao E rangi n un iai, ao E kamaunai taian auti n rianna ake i mataniwiin te maeka ni katobibia n te ai.

Te Tua-Kaua 29:20

Ao E na rangi n un te UEA, ao E na aki kab'arai ami bure, ma E nang kaokoroingkami mai buakoia baronga ake tabeua. Ao i mwiina, E na kamateingkami ni kab'aka i aomi taian taeka ni kamaraia ni kabane ake n Ana Boki n Tua te Atua, ao ane e na mauna nako taekami n aki manga uringaki ni karokoa tokin aonnaba.

Te Tua-Kaua 32:22

Au Aomata, N na ikeikena te ai are e na kab'akaingkami nako abaia maate. E na tiring arokan ami nne n aroka ma ni kabuoki rikaaki aan taiani maunga.