Taian Areru 78:58 - Te B'aib'ara

⁵⁸ A rangi ni kauna te Atua i bukin ae a nako ni bangota ao a taromauri bouananti ake iai.

Taian Areru 78:58 ပူးပေါင်းရင်းမြစ်များ

1.Uea 11:10

Ma e aki ongotaeka toromon, ao e bon taromauriia naba antiia ianena. Ao e a rangi n un iai te UEA

1.Uea 11:7

E karaoi taian baangota Toromon i aon te tabuki are i mainikun Ierutarem i bukin taromaurian Kemoti are antiia kaain Moaaba ae e rangi ni kam'araa, ao Moreka are antiia kaain Ammon ae e rangi ni kam'araa.

1.Uea 12:31

Ao e karaoi taabo n taromauri aika a uarereke n taian baangota. Ieroboam, ao e rineia m'aane aika akea rekerekeia ma te baronga are Rewi b'a a na m'akuri b'a ibonga.

2.Uea 17:9

E rangi ni korakora riki aia bure Iteraera ngke a manga kataia ni karabaa aia bure nakon te UEA ae Atuaia. E katei aia baangota ni kabutaa aon Iteraera, ni moa mani kaawa aika a uarereke ni karokoa kaawa aika a buubura, ma kaawa aika a buubura naba ake a nonoaki.

2.Uea 21:7

e titirakiniia taani kaiwa arona ae e na karaoia ao e anga natina te m'aane b'a ana karea. E karaoi b'aai aika a rangi ni kam'araa, are e a rangi ni kauna iai te UEA. N ririki ake ngkoa ao E taku te UEA nakon Tawita ma natina te m'aane are Toromon I tangira riki Ierutarem nakon taabo ni bane i aon Iteraera. Bon Au b'ai, ao N na riai n taromauriaki iai n taai nako.

2.Rongorongo 21:11

E bon katei naba taian baangota ake baangotan te aba Ioram i aon taian tabuki ake Iuta man kairiia aomata nakon te bure nakon te UEA n taromauri antiia ianena.

Taian Areru 79:5

Te UEA, e na reiti nako unim iroura? E na reiti nako uran unim n ai aron uran te ai?

Taian Areru 97:7

A na bane ni kamaamaaeaki akana taromauri bouannanti; Akana kainikatonga i bukiia antiia aika bouananti; A bane anti ni bobaraaki n taromauria te UEA.

Te Otinako 34:14

I rangi ni kainanoa ami kakaonimaki ni kabane--kam riai n aki taromauri anti tabem'aang!

Ieremia 8:19

A tang au aomata i abaia ianena. Kakauongo! Ane ko na ongo aia taeka ae e kaangai, “E a tia te UEA ni kiitana Tion? E a aki Uea iai?” Ao I ongo ana kaeka te UEA ae e kaangai, “E aera ngkai kam kaunai n taromauriia bouannanti aika akea manenaia?”

Otea 13:2

Ao ngkai ko teimatoa naba ni karaoa te bure n arom ni korotamnei ma ni karaoi taian bouannanti aika taian tirewa aika bannan taian kao ataei. Ko tuangaki b'a ko na anga karea nakon taian bouananti aikai eng, ao ni kiiti naba ma ngaiia.

Nakoaia Ibonga 26:30

N na urui ami auti n taromauri nako, N na urui ni kab'akai ami bao n angakarea i bukin te boiarara, ao N na katokai rab'atami ngkae a mate i aon nako ami bouannanti. Ao kam na riribaaki i Rou.

Warekaia Iteraera 33:52

ao kam na kakioia nako aomata ake a maeka ikekei. Kamaunai aia bouananti, ao urui aia baonikarea.

1.I-Korinto 10:22

Ke ti tangira ae E na un te UEA? Ti korakora riki nako Ina?

Te Tua-Kaua 12:2

Ma a taromaurii atuaia tabeman botannaomata ake a maeka ikekei. Ma ngaia are, ngkana kam tia n taua te aba, ao kam na kamaunai ni kabane aia tabo n taromauri--ake i aoni maunga ao taian tabuki, ke ake i aan nuun kaai aika korakora.

Te Tua-Kaua 12:4

Kam na aki taromauria te UEA ae Atuami n aroia botannaomata aikai ngkana a taromauriia antiia.

Te Tua-Kaua 32:21

Kam taromauri bouananti aika akea bonganaia, kam kamaraka nanou ao kam kaunai. Ao ngkai N nang kanakoa nakoimi te botannaomata ae akea bonganaia ae akea manenaia b'a a na kamaraki nanomi, ma ni kauningkami.

Tani Motiki-taeka 10:6

I nanon te tai ae aki maan, ao a manga moanna n aki ongotaeka Iteraera nakon te UEA ni manga taromauriia B'aara, Nei Atiterota, ao atuan Turia, Titon, Moaaba, Ammon, ao Biritia.

Tani Motiki-taeka 2:17

N ririki ake a nako, ao a kakaonimaki Iteraera nakon te UEA, ma a manga waekoa n aki kakaonimaki man rawa n ongo irouia taani moti aikai. A na aki ongotaeka Iteraera iroun te UEA, ao ane a na manga taromauriia atua riki tabeman n onea mwiin taromauriana.

Tani Motiki-taeka 2:20

Ao E un te UEA irouia Iteraera ao E taku: A tia Iteraera n urua te boraraoi are I karaoia ma aia bakatibu. A aki ongotaeka irou,

Tani Motiki-taeka 3:19

Ao e m'ananga nako Euta ma Iteraera tabem'aang ni karokoa rokoia n taian bouananti i Kirekara. Ao e tanrikaaki ao e tam'arake nakon te ru are m'aitoro i eta ike e mena iai ana kaintokanuea Ekeron. Ao e taku Euta, “Teuae ko karineaki! I kan maroroo teutana ti ngai ma ngkoe.” Ao a otinako ana aobitia man te ru, ao e tei Ekeron ngke e tabe ni m'ananga Euta ni kaaniia. Ao e taku Ekeron, “Tai baaku moa n taetae.” Ao a otinako ana aobitia man te ru, ao e tei Ekeron ngke e tabe n roko Euta ni kaaniia. Ao e taku Euta, “Eng, bon iai Ana rongorongo te UEA nakoim.”