Taian Areru 78:55 - Te B'aib'ara

⁵⁵ E kakioia nako kaain te aba mai m'aaia; E tib'ai abaia nakoia barongan nako Iteraera, Ao E anga mwengaia b'a a na maeka iai ana Aomata.

Taian Areru 78:55 ပူးပေါင်းရင်းမြစ်များ

Taian Areru 44:2

Ngke Ko kakioia nako botannaomata ni m'aakam, Ao Ko kamaekaia ara bakatibu i aon abaia; Ko karawawataia, ao Ko kakab'aiaia ara bakatibu.

Taian Areru 44:3

E aki reke te aba irouia ara bakatibu n aia b'ai ni buaka; Ao e aki reke irouia n oini korakoraia; E reke ni m'aakam ao ni korakoram: mani kakoauaan memenam irouia ni kaotia b'a Ko tangiriia.

Itaia 34:17

E a tia te UEA ni baairea te tabo ike a na maeka iai n tatabemaniia; ana mena ikekei n aki toki, n te roro teuana ma teuana.

Warekaia Iteraera 33:54

N na kaota nako imi aron tib'atib'aakin te aba i aoia baronga, ni kaineti ma m'aitin taian kaainga n ami baronga n tatabeua nako.

Iotua 13:7

Ma ngaia ae ngkai, manga tib'aa te aba i marenaia ruaiwa te baronga, ao iteran te baronga are Manate b'a ai bon abaia.”

Iotua 19:51

A karaoa tib'atib'aan aonteaba Ereata are te ibonga, ma Iotua are natin Nun, ma taan kairiri man utuun barongan Iteraera n te katekeraoi b'a ana kakaea nanon te UEA i Tiro, i matan te mataroa n rin n ana Umantabunrianna. N te aro aei ao e a bane tib'atib'an aonteaba.

Iotua 21:43

Ma ngaia are e anganiia aomatan Iteraera ni kabane abaia te UEA n aron are E a tia n taekinna n ana berita ae tabu nakoia aia bakatibu b'a E na anganiia. Ao a bon maekanna b'a ai bon abaia.

Iotua 23:4

I a tia n angan ami baronga nako aaba ni moa man te karaanga are te Ioretan are i mainiku nako taari are te Mereterenian are i maeao. I a tia n anganingkami abaia botannaomata ake ti a tia ni kataenikaia, ao abaia naba botannaomata ake a tuai taenikai i roura.