Taian Areru 78:43 - Te B'aib'ara

⁴³ Ao E karaoi ana m'akuri ake ab'ab'aki ma kakai n te tabo are aoraoi i Toan n te aba are Aikubita.

Taian Areru 78:43 ပူးပေါင်းရင်းမြစ်များ

Neemia 9:10

Ko ataia b'a a tia Uean Aikubita ao ana mataniwi ma ana botannaomata n kateibuaka nakoia am aomata. Ma ngaia are, Ko karaoi kakai aika a kakamaaku ni kaaitaraia kaain Aikubita ao Ko a manga karekea kinaakim are e bon teimatoa.

Taian Areru 135:9

E karaoi taiani kakai ma baika kamimii b'a b'aini karekeani kain aia uea ma raona ake a buokia n ana tautaeka.

Taian Areru 78:12

E karaoi kakai i mataia aia bakatibu n te tabo ae e aoraoi i Toan n te aba are Aikubita.

Te Otinako 4:21

Ao E taku te UEA nakon Moote ngke e tabe ni m'ananga i aoni kawaina: Ngkana ko roko i Aikubita, ko na nakon te uea ao ko na karaoi am kakai ake I a tia ni kaoti nako im. Ma N na karaoia b'a e na rangi ni taningamatoa n te aro are e na rawa ni kanakoia au aomata.

Te Otinako 7:3

Ma N na karaoa te uea b'a e na taningamatoa n te aro ae e na aki kan ongo. E na bon aki ongo naba ngkana I karaoi b'aai aika a kakamaaku nako ina ma ana botannaomata.

M'akuri 7:7

Ao E taku te Atua, “N na karekea kain te botannaomata are a toro i rouia; ao i mwina, a na oti nako n taromauriai n te tabo aei.”

Te Tua-Kaua 6:22

Ti bon nooria ngke E karaoi taiani kakai, ao b'aai aika kakamaaku nakon te uea ma ana aobitia, ao raona ni kabane.