Taian Areru 78:40 - Te B'aib'ara

⁴⁰ Ai batiraa aia tai n rarawa ni kan aan-taeka i rouna n te rereua! Ao m'aiti ra te tai ae a kananokawakia iai!

Taian Areru 78:40 ပူးပေါင်းရင်းမြစ်များ

Taian Areru 107:11

B'a kioina ngke a rawa nakon ana taeka te Atua are Moan te M'aaka, Ao a riba ana taeka n reirei.

Taian Areru 78:17

Ma a aki toki ni bubure nakon te Atua are Moan te M'aaka, Ao a rawa ni kan aan-taeka i rouna n te rereua.

Taian Areru 78:8

A na aki katotongiia aia bakatibu, ake te roro n aki ongotaeka ma n rawa ni kan aan-taeka, Ake a tuai man nene onimakinan te Atua irouia, Ao a tuai naba n teimatoa ni kakaonimaki nakoina.

Itaia 63:10

Ao i mwiina a rairaki ana Aomata te UEA ni manga kaitaraa ao a kananokawakaki Tamneina ae e Raoiroi ae e Tabu. Ma ngaia are, e a manga riki b'a aia kairiribai ao e a manga buakaniia.

Itaia 7:13

Ao i mwiina, I taku: Ongora, ngkami ni kabane aika ana utu ni uea Tawita. Kam a tia ni kataa au taotaonaki n nano. Ngkai kam a tia ni kataa ana taotaonaki n nano te Atua ngkai kam rawa n buubutii te b'ai ni kakoaua.

Warekaia Iteraera 14:11

Ao E taetae te UEA nakoni Moote ni kaangai, “I a tia ni karaoi b'aai aika a ab'ab'aki i bukiia aomata aikai, ao a rawa i Rou ngke a aki onimakina m'aakau.

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.

Te Tua-Kaua 9:7

Kam na aki m'am'aninga aromi ngkoa ni kakaitaraa te UEA ma ni kakaunna n taai nako ngke kam mena i nanon te rereua. Kam a boni kakaitaraa naba ni moa mangke kam kiitana Aikubita ni karokoa te tai are kam roko iai ikai.