Taian Areru 78:35 - Te B'aib'ara

³⁵ A uringa ae te Atua are Moan te M'aaka bon te tia kamanoia, Ao E a tia ni buokiia.

Taian Areru 78:35 ပူးပေါင်းရင်းမြစ်များ

Taian Areru 106:13

A kai m'anuoki ana m'akuri; ao a aki tataninga ana taeka.

Taian Areru 106:21

A m'anuoka te Atua are aia tia kamaiu, are E karaoi baika ab'ab'aki i Aikubita,

Taian Areru 74:2

Ururinga am Bootaki n aomata, ae Ko rineia ngkoa i bukim, Ae Ko kainaomataia man te tautoronaki b'a a na riki b'a am Aomata. Ururinga te maunga are Tion, are nem ni maeka.

Taian Areru 78:11

A m'anuokin taekani baike E a tia ni karaoi, Ake kakai ake a noori ngke E karaoi.

Taian Areru 78:42

A aki ururinga m'akana ma te bong are E kamaiuia iai mairouia aiaia

Taian Areru 78:7

Ao aei aroia are a na kona iai natiia ni manga onimakina te Atua, Ao n aki m'anuokini baike E a tia ni karaoi, Ma a na ongeaba n taai nako nakon ana tua.

Te Otinako 15:13

Ko kakaonimaki nakon Am berita, ao Ko kairiia aomata ake Ko kamaiuia; Ko kaawakiniia ni korakoram ni karokoa rokoia i abam are tabu.

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 48:17

ma taian rongorongo aika: Kaain Iteraera, Bon te UEA ae te Atua ae e tabu Ngai, are e kamaiungkami. bon i bukimi, I reireiningkami, ao I kairingkami i aon te kawai ni koaua.

Te Tua-Kaua 15:15

I mwiokoingkami b'a kam na ongotaeka iroun te UEA b'a kauringakimi b'a bon tooro ngkoa ngkami i Aikubita i m'aain kainaomataakimi i rouna.

Te Tua-Kaua 32:15

Iteraera, ngke kam a marikarika, ao kam a kakaitaraa te UEA are ami Tia Karikib'ai; kam rawa nakon te B'a ae Korakora, are bon ti Ngaia ami tabo n rawei maiumi.

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Te Tua-Kaua 7:8

ma E a tia n rineingkami i bukina b'a E tangiringkami, ao i bukina naba b'a E a tia ni berita nakoia ami bakatibu. Ao i mwiina, E a manga kamaiungkami ni baina ae korakora mai Aikubita, are a karaoingkami b'a aia toro.

Te Tua-Kaua 9:26

Ao I tataro: Ara UEA, taiaoka n aki kamateia am Aomata. Ko a tia ni kamanenaa m'aakam ae korakora ni kamaiuia ngkoa mai Aikubita, ao Ko karikiia b'a am Aomata ni koaua.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.