Taian Areru 78:19 - Te B'aib'ara

¹⁹ A taetae n eekaanako te Atua ao a kaangai, “E kona n reke te am'arake iroun te Atua n te rereua?

Taian Areru 78:19 ပူးပေါင်းရင်းမြစ်များ

2.Uea 7:2

Ao e kaeka mataniwiia aobitia are e mena i rarikin te uea ikekei ao e taku, “I aki kakoauaa. E ngae ngkana e kanakoa naba te karau ae moan te korakora te UEA, ao e na bon aki konaa naba n reke te aekaki ni m'aiti ni uita anne mai i mwiin ngkai ni karokoa te ingabong.” Ao e kauringa Eritai ao e taku, “Ane ko na noora koroni bukina ma ko na aki kana naba te am'arake teutana mai iai.”

2.Rongorongo 32:19

A taekina naba te UEA ae te Atua taian mataniwi akekei b'a kaanga ai aron te anti n aki akaaka ke te bouannanti ae e karaoaki iroun te aomata.

Iobi 34:37

E aki ti bure nakon te Atua, ma e katei naba nako Ina; e b'ainingarea te Atua i matara ngaira aikai ni kabane.

Taian Areru 23:5

Ko katauraoa te baka ae ab'ab'aki ibuku ike a na norai iai taan ribaai. Ko butim'aeai b'a kanga te iruwa ngai ao ko kaona au m'angko ni karokoa e taonako.

Te Otinako 16:3

ao a taku nako ia, “Ti bia kaman tiringaki iroun te UEA ngke ti boni mena i Aikubita. Ngke ti mena n te tabo ike ti tekateka ma karara taian irikomaiu ni katoki nanora n aekaki n am'arake nako ake ti tangiri. Ma ko uotiira mai b'a ti na mate ni baki i nanon te rereua aei.”

Warekaia Iteraera 11:13

A rangi ni kaberoroa te aba i bukin tangiran tannaia, ma n nang karekea ia tannaia?

Warekaia Iteraera 11:4

Ao n te tai teuana, ao a taonaki n te baki tabeman iruwa ake a maeka i buakoia Iteraera, ao bon Iteraera naba a tang ao a kaangai, “Ai bon akea tannara!

Warekaia Iteraera 20:3

ao a ngurengure, ao a taku, “Tao e bon raoiroi riki ngke ti a kamani mate ma koraki akekei i matan ana Um'antabunrianna te UEA.

Warekaia Iteraera 21:5

ao a ngurengure nakon te Atua, ao a taku nakon Moote, “Ko bon kaotinakoira mai Aikubita b'a ko na tiringiira n te rereua? Bon akea te ran ikai, ao a aikoa rin am'arake aika buakaka aikai!”

I-Rom 9:20

Nao! Antai ngkoe b'a ko na kaekaa te Atua? Iai riain te b'ai ae e karaoaki man te bokaboka b'a e na kaekaa te aomata are karaoia ni kaangai, “E aera ngkai ko karaoai n arou aei?”

Te Kaotioti 13:6

Ao e moana taetaebuakaan te Atua, n taetaebuaka arana ma ana um'anrianna, ma ake a maeka i karawa.