Taian Areru 77:2 - Te B'aib'ara

² I tataro nakon te UEA n tain te kaangaanga; I tabeki baiu n tataro n te tairiki koraki, ma e aki reke kabebeteau.

Taian Areru 77:2 ပူးပေါင်းရင်းမြစ်များ

Karikani B'aai 32:28

E taku teuarei, “Ko na aki manga aranaki b'a Iakob'a. Ko a tia ni kaunrab'ata ma te Atua ao taiani mm'aane, ao ko tokanikai; ma ngaia are, ko na aranaki b'a Iteraera.”

Karikani B'aai 37:35

Ao a bane n roko natina mm'aane ma natina aine ni karaua nanona, ma e rawa ni karauaki nanona, ao e taku, “N na nakon ruanimateu, N na mate ma n taunaki.” Ao e a manga reitanako naba tanginiweneina i bukin natina are Ioteb'a.

2.Rongorongo 6:28

N tabetai ane a na m'auteretere arokan te tawaana ke a na mka ke a na kanaki n taian rokati ke taian taake, ao ane a na bora ni baki am aomata. N tabetai a na roko kairiribai ni katobibia aia kaawa, ke a na aoraki aomata n te aoraki ae moan te kamaamate.

Iobi 11:13

Bita nanom Iobi ao nakon te Atua n tataro.

Taian Areru 18:6

Ngke e kai nanou, ao I wetea te UEA, ae Atuau b'a E na buokai. E ongo b'anaau man ana tembora, ao E ongora n tangu.

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 55:17

I bunra rawawatan nanou nakoina n te ingabong ao n te tawanou ao n te tairiki, Ao E na ongo b'anaau.

Taian Areru 63:6

Ngkana I wene ni nneu ni wene, ao I uringko; I aki toki n iaiangoiko n te bong,

Taian Areru 86:7

I weteiko n te tai ae e kai nanou iai, i bukina b'a Ko ongongo n au tataro.

Taeka n Rabakau 18:14

E rangi ni buobuoki te kaunga nano ngkana ti aoraki, ma bon akea te buobuoki ngkana ti b'ara n nano.

Itaia 26:16

Ngkana ko katuaaia ara aomata, ao a rairaki man tataro nakoim, ara UEA.

Itaia 26:9

E kakaaeko nanou inanou ngke e bong, i bukina ngke e kaotaia aomata nako n te aonnaba aei aron maiuia ae e eti.

Ieremia 31:15

E ongo te aba te tang ae e korakora mai Ram'a Tangin Nei Rakera i bukiia natina, ao e rawa ni karauaki nanona, i bukina ngke a mate.

Otea 5:13

Ngkana a noora aorakiia ma manekaiia Iteraera ma Iuta, ane e na kakaaea buokana Iteraera mairoun Aturia ma ueana aika a korakora, Ma a na aki konaa taian uea ni kamaiuia ke ni kamao manekaiia.

Otea 6:1

Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

Ioane 11:31

Ao I-Iutaia ake a raona Nei Maria ni kabebetea nanona, ngke a noria b'a e kawaekoa n teirake n oti nako, ao a iria, b'a a taku n aia iango b'a e na nako n te ne ni mate n tang iai.

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.