Taian Areru 76:7 - Te B'aib'ara

⁷ Ma Ngkoe, te Atua, Ko makaki irouia aomata ni kabaneia. Akea temanna ae kona n tei i matam ngkana Ko un.

Taian Areru 76:7 ပူးပေါင်းရင်းမြစ်များ

1.Rongorongo 16:25

E korakora te UEA ao ti bon riai n anganna ara nebonebo ae moan te bati! Bon ti Ngaia te Atua ae e riai taromauriana iroura

Etira 9:15

Te UEA ae Atuan Iteraera, ko bon moan raoiroi ngkai ko karaoia tabeman mai buakora b'a a na konaa n tiku ni maiu. Ma I kan taekinna riki b'a ara bure a rangi ni kamamaaira ni kawariko.

Taian Areru 130:3

Ngke arona b'a Ko tau mwin ara bure, ao ai antai, ae na aki konaaki ni kabuakakaaki?

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Taian Areru 89:7

E korakora makakim irouia kaain te kauntira i karawa; Ko kakamaaku nakoia ake a mena i rarikim.

Taian Areru 90:11

Ai antai ae a tia n namakina aroni korakoran unim, ke n ataa kakamaakuna?

Te Otinako 15:1

Ao a anenea te anene aei Moote ma Iteraera nakon te UEA: “N anene nakon te UEA i bukina ngke E a tia n reke i Rouna te tokanikai ae kakannato; E a tia n karenakoia taian aoti ma taan toka i aoia nako nanon taari.

Te Otinako 15:4

“E tewenakoia aia taanga ni buaka kaain Aikubita i taari; A b'ab'a i Taari are Uraura ana aobitia ake a bane aroia.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

1.I-Korinto 10:22

Ke ti tangira ae E na un te UEA? Ti korakora riki nako Ina?

Te Kaotioti 14:7

Ao e kaangai n te b'anaa ae korakora, “Kam na maka te Atua, ao kam na anganna te neboaki. B'a e a roko te aoa are E na motiki taeka iai. Kam na taromauria Teuare karaoa karawa ma aonnaba ma marawa ma koburaken raan.”

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”