Taian Areru 76:6 - Te B'aib'ara

⁶ Atuan Iakob'a, ngke Ko b'anaa n un ao a b'aka ni mate aoti ma ake a toka i aoia.

Taian Areru 76:6 ပူးပေါင်းရင်းမြစ်များ

2.Tamuera 10:18

Ao a buaka kaain Aram, ma a biri nako mairouia Iteraera. E tiringiia itibubua taani kabuti taiani kanibuaka ao abwi tengaa taani buaka mai aoia aoti. Ao e bon tiringa naba Tiobaka, ma mataniwiin aia taanga ni buaka.

2.Uea 19:35

E kanakoa te anera te UEA n te tairiki naba arei nakon aia kaemb'a kaain Aturia, ao E tiringiia 185,000 mai buakoia. Ma ngaia are, e a wenerua taiani mate n te ingabong are i mwiina.

2.Rongorongo 32:21

ao E kanakoa te anera are e tiringiia tautia ma mataniwiin ana taanga ni buaka Aturia ni kabane ake n aia kaemb'a. Ao e okirikaaki Tennakeriba nako Aturia, ao e rangi ni b'ainrang. Ao n te bong teuana e nako n rin n ana Tembora antina ao e a tiringaki naba iai irouia natina m'aane tabeman.

Taian Areru 104:7

Ngke Ko boai raan, ao a teteke nako; a raanga nako ni b'anaam ae kanga ai aron rebwen te baa:

Taian Areru 18:15

Te UEA, ngke Ko boaiia aiam, ngke e korakora angini b'airim n unim i rouia, Ao e oti aontanon nanoni marawa, Ao a oti naba aan aonnaba.

Taian Areru 80:16

A tia aiaia ni buakaniia ao a kamaunaia; Ko na taraia ma te mata n un ao kamaunaia!

Te Otinako 15:1

Ao a anenea te anene aei Moote ma Iteraera nakon te UEA: “N anene nakon te UEA i bukina ngke E a tia n reke i Rouna te tokanikai ae kakannato; E a tia n karenakoia taian aoti ma taan toka i aoia nako nanon taari.

Te Otinako 15:10

Ma ti teuana ikeikem te UEA, ao a b'ab'a naba kaain Aikubita; a inako n ai aron te buange i nanon te ran ae marebu.

Te Otinako 15:21

Ao e anene Nei Miriam nako ia: “Anene nakon te UEA b'a E a tia ni karekea te tokanikai ae mimitong; E a tia n tewenakoia taian aoti ma taan toka i aoia aoti i taari.”

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Ieremia 51:39

Ao ngkai a kaman baki N na anganiia te baka n am'arake. A na bootaki ni kukurei, a na koro ni manging, ao i mwiina, a na b'aka ni matu, ao a na aki manga uti!

Ieremia 51:57

Bon te UEA Ngai ae Moan te M'aaka, te Uea ni koaua, ae I berita b'a a na bane ni manging mataniwi ao taan iango, koowana ma taani kairiiri ao tautian B'aburon, ao a na koronimanging ao a na b'aka ni matu, ao a na aki manga uti.

Etekiera 39:20

A na roko nakon Au taibora ao a na kaonia n irikon taian aoti ma taani buaka n aekaia nako. Bon aei Au taeka Ngai ae te UEA.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

Naum 2:13

E taku te UEA ae Moan te M'aaka, “Boni Ngai am kairiribai. N na kabuoki am kaanibuaka. A na mate am tautia i nanon te boo ni buaka, ao N na anai b'aai ni kabane ake ko anai mairouia tabem'aang. E na aki manga ongo te aba b'anaan am tia uarongorongo.”

Naum 3:18

Te Emberoa n Aturia, a mate am mataniwi, ao a matunako am aomata aika a kakannato n aki manga uti. A uamaae nako am aomata i aon maunga, ao akea temanna ae e na kaokiia riki nakon mwengaia.

Tekaria 12:4

N na kakamaakuia aoti ni kabane ao a na mangaongao taan toka i aoia aoti. Ma, N na taratara Iuta n te tai naba anne.

1.Tamuera 26:12

Ma ngaia are, e anaa te kainiwai ao te tiaeki n ran Tawita mai rarikin raoi atuun Tauro, ao e a m'ananga nako ma Abitiai. Bon akea temanna ae e noora ke n ataa te b'ai are e riki ke n uti; b'a e a tia te UEA ni kanakoa te matu ae e korakora i aoia ni kabane.