Taian Areru 75:8 - Te B'aib'ara

⁸ E taua te m'angko i baina te UEA, ae e onrake n te wain ae matoatoa are bon unna. E kab'aroa, ao a moi iai aomata aika buakaka ni kabane; A nimma ni karokoa te kabanea n timtim.

Taian Areru 75:8 ပူးပေါင်းရင်းမြစ်များ

Iobi 21:20

Ana riai ni bon oreaki taani bure i bukin aia bure; a bon riai n namakina unin te Atua ae m'aaka.

Taian Areru 11:6

E na kab'aka te ai ma te bubu n ai ae korakora i aoia ake a bubuaka; ao E na katuuaia n te ang ae kabuebue.

Taian Areru 60:3

Ko a tia ni karaoa ae a na rangi ni kainano iai am Botannaomata; Ti bebebebe n ai aron ae ti manging.

Taian Areru 73:10

n te aro are a ongo aomata irouia ao a ingainga nanoia ni kani kakoauai taeka ake a atong.

Taeka n Rabakau 23:30

Bon aomata ni kabane akana kakab'akanako tai, n taua riki teuana te m'angko ni manging.

Itaia 5:22

Kam kaangaanga n te mooi ma renganan taiani mooi. Ma kam a reke n te kaangaanga.

Itaia 51:17

Ierutarem, uti! Teirake! Ko a rangi ni manging n te m'angko are e kanoaaki ni unin te UEA. Ko a tia n ong timtimna ni kabane, ao ko a aki konaa n nakonako raoi.

Itaia 51:22

iroun te UEA ae Atuam, are e tei i bukim ao e kaangai, “I a tia n anaa te m'angko are e on n te un mai nanoni baim are ko riki ni manging iai. Ao ko na aki manga kairoroaki b'a ko na manga mooi iai.

Ieremia 25:15

E kaota nako iu te kaotioti te UEA ae Atuaia Iteraera ae e kaangai nanona, “Ieremia, aio te m'angko ae e kanoaaki n wainin uniu. Anaia ao kamooia teutana aomata ni kabane mai iai.

Ieremia 25:17

Ao I anaa te m'angko arei mai bain te UEA, ao nako ia uean botannaomata ao I kamooia n tatabemaniia nako kaka teutana.

Etekiera 23:34

Ma ko na nima kanoana ni kabane! Ao i mwiina, ko na kamaerikirika te m'angko ao ko na kamanenaa maibiibina ni korekorea iai b'aab'aam i bukin rawaawatan nanom. Bon aei au taeka Ngai ae te UEA ae te Atua.

Te Kaotioti 16:19

E tabwena te kaawa are ab'ab'aki nakoni m'akoro aika tenua, ao a bane n urubekebeke taiani kaawa nako n aaba nako: ao te Atua E aki m'aninga taekani B'aburon are kakannato, ma ngaia are E anganna m'angkoni wain n unna b'a e na moi iai.

1.Tamuera 2:7

Ara UEA boni Ngkoe ae Ko karikiira b'a kaub'ai ke taiani kainano. Ko kamenakiia tabeman ni m'akuri aika rietaata ao Ko kab'akaia tekorakina.