Taian Areru 74:21 - Te B'aib'ara

²¹ Tai karaoa ae a na b'ainrang iai akana karawaawataaki; A bia kamoamoa aram akana kananoanga ma akana a kai nanoia.

Taian Areru 74:21 ပူးပေါင်းရင်းမြစ်များ

Etira 3:11

A neboa te UEA, ao a anga aia kaaitau n aia anene tekorakina i mwiin tekorakina: E raoiroi te UEA, E teimatoa n aki toki Ana tangira nakon Iteraera. Ao a bane n takaarua aomata ni kabane ma n neboneboa te UEA i bukina ngkai e a moanaki te m'akuri i aon aan te Tembora.

Taian Areru 103:6

A raraoi ana motikitaeka te UEA nakoia akana karawaawataaki ni kabaneia, Ao E buokiia ni katei raoi aroia.

Taian Areru 109:22

Akea au b'ai ao e kai nanou; e korakai nanou.

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 35:10

N na taetae ma nanou ni koaua ni kaangai, “Akea n ai arom: b'a Ko kawakinia akana mamara mairouia akana korakora, ao akana akea aia b'ai mairouia akana b'ainikirina te aba.”

Taian Areru 9:18

E na aki m'anuokinaki n taai nako taekan ane e kai nanona; ao e na aki mauna n aki toki ana kaantaninga ane akea ana b'ai.

Itaia 45:17

Ma Ngai ae te UEA, N na bon teimatoa ni kaawakina Iteraera ma ni kararoa man te kamaamaaeaki.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.