Taian Areru 72:7 - Te B'aib'ara

⁷ E bia rikirake te maiu ae e raoiroi irouia aomata i nanon ana tai ni maiu, Ao e bia teimatoa rereken te kab'aia irouia aomata n ai aron teimatoan nam'akaina n angaanga ootana.

Taian Areru 72:7 ပူးပေါင်းရင်းမြစ်များ

1.Uea 4:25

I nanon ana tai ni maiu Toromon ao a bane n rau aomata ake a maeka i aon Iteraera, ni moa man te kaawa are Taan i meang, ao n toki i Beerateb'a i maiaki. A tekateka ma te rau n aki kakiriweaki utu nako i aan arokaia te kureebe, ao arokaia te biiku.

1.Uea 5:4

Ti na karab'arab'a nakon te UEA ae te Atua ngkai b'a e a reke te rau i nanon abanueau, ao akea te kangaanga, ke te karawaawata man taiani buaka aika a na riki man te tabo teuana ma teuana.

Taian Areru 92:12

A na maiu raoi akana raoiroi kanga ai aroia kaai aika ai aron te ni; A na rikirake kanga ai aroni kain aon Reb'anon.

Itaia 2:4

E na katoki taiani ngurengure imarenaia botannaomata. Ane a na urui aia kabaang ma aia kainiwai ni manga kariki b'a taian reeke ma tiabora; ane a na aki manga karika te buaka ke ni buakaniia i marenaia.

Itaia 60:1

Teirake, Ierutarem! ko na oota! E a kaarangaina am bong ae e boou. E rangi n oota nako ootan mimitongin te UEA i aom.

Itaia 60:22

E na riki naba b'a te botannaomata ae e korakora te utu ae te kabanea ni uarereke. Bon te UEA Ngai, ao N na kawaekoaai ni karaoa aei ngkana e roko te tai.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Tekaria 9:10

Boni Ngai ae te UEA ae N na uoti nako kaani buaka ao taian aoti mai i Iteraera ao Ierutarem. A na uruaki taiani kainikatebe ake a karaoaki i bukin te buaka. N na karokoa te rau i aoia botannaomata nako, ao e na tautaeka ami uea man taari nakon taari. E moa abanueana man te Karaanga are Iuberetiti ni kabuta te aonnaba.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Ruka 1:33

Ao ane E na uea i aoia aomata nako ake a riki mairoun Iakob'a; ao e na akea tokin ueana!”

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

M'akuri 4:32

A b'aina te nano ae ti teuana taan onimaki ake a bati, ao akea temanna i rouia ae tauti n ana b'ai; ma a buokanib'ai n aia b'ai nako.