Taian Areru 72:5 - Te B'aib'ara

⁵ A bia teimatoa n toro iroum am Botannaomata n ai aron teimatoan taai ni kaotiota ootana, ao n ai aron naba nam'akaina n angaanga ootana nakon rooro ma rooro.

Taian Areru 72:5 ပူးပေါင်းရင်းမြစ်များ

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Taian Areru 72:7

E bia rikirake te maiu ae e raoiroi irouia aomata i nanon ana tai ni maiu, Ao e bia teimatoa rereken te kab'aia irouia aomata n ai aron teimatoan nam'akaina n angaanga ootana.

Taian Areru 89:29

E na tei maan ueana n ai aron tei maanin karawa; E na ririki temanna n ana kariki b'a te uea n te tai teuana ma teuana.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Taniera 7:14

E anganaki te kariaia, te karineaki, ao te m'aaka, b'a a na bane aomatan te botannaomata, reeti, ao taetae nako n toro i rouna. E na teimatoa m'aakana n aki toki, ao akea tokin ueana, ao e na bon aki kona n uruaki.

Taniera 7:27

Ao m'aakan ma korakoran taian tautaeka ni kabane n te aonnaba a na bane n anganaki ana Aomata te Atua. E na bon akea tokini m'aakan ana tautaeka, ao a na bane n toro i rouna taan tautaeka n te aonnaba ma n ongotaeka i rouna.”

I-Ebeto 3:21

ana b'ai te neboaki n te ekaretia ao irouni Kristo Iesu man te rorona nakon te rorona ao n aki totoki. Amen.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

1.Tamuera 12:18

Ao e tataro Tamuera, ao ni bon te bong naba arei, E a kanakoa te karau ma te baa te UEA. Ao a bane ni maaka te UEA ma Tamuera aomata.