Taian Areru 72:18 - Te B'aib'ara

¹⁸ Kamoamoa te UEA, ae Atuan Iteraera! Ti Ngaia ae karaoi m'akuri aika kamimii aikai.

Taian Areru 72:18 ပူးပေါင်းရင်းမြစ်များ

1.Rongorongo 29:10

Ao e anenea te anene n nebo nakon te UEA Tawita i mataia aomata ni kabane: I neboiko n taai nako, te UEA! Bon te Atua ngkoe are ko tataromauriaki iroun ara bakatibu are Iakob'a

1.Rongorongo 29:20

Ao e a manga taku Tawita nako ia aomata, “Ami tai ngkanne n neboa te UEA, are te Atua are a tataromauria ami bakatibu!” Ma ngaia are, a bane aomata n neboa te UEA, ao a bobaraaki ni karinea ma aia uea are Tawita.

Iobi 5:9

Ti aki kona n atai b'aai aika ab'ab'aki aika E karaoi, ao bon akea tokin m'aitin Ana m'akuri aika kamimii.

Iobi 9:10

Ti aki kona n atai baika ab'ab'aki aika E a tia ni karaoi, ao akea tokin Ana m'akuri aika kamimii.

Taian Areru 106:48

E na karaoiroaki te UEA ae Atuaia Iteraera, kamoamoaa ngkai ao n aki toki! Ao ke a bane aomata ni kaangai, “Amen!” Kamoamoaa te UEA!

Taian Areru 136:4

Bon ti Ngaia ae karaoi kakai aika ab'ab'aki; b'a akea tokin ana Tangira.

Taian Areru 41:13

E na karaoiroaki te UEA, ae Atuaia Iteraera! E na karaoiroaki ngkai ao n aki toki! Amen! Amen!

Taian Areru 68:35

Te Atua, Ko kakamaaku n rokom man am Tabo are Tabu Atuaia Iteraera! E anga te korakora ma te m'aaka nakoia ana Aomata. Kam na neboa te Atua!

Taian Areru 77:14

Bon te Atua Ngkoe ae Ko kakaraoi b'aai ni kamimii; Ko kaota korakoram i buakoia botannaomata.

Taian Areru 77:15

Ko kamaiua am Botannaomata ni m'aakam, ake kanoan Iakob'a ma Ioteb'a.

Taian Areru 86:10

Ko kakannato ao Ko karaoi baika kamimii; Bon ti Ngkoe te Atua.

Taian Areru 98:1

Kam na anenea te anene ae boou nakon te UEA; B'a E a tia ni karaoi baika kamimii! E reke i rouna te tokanikai n oini m'akana n Atua ao ni korakorana.

Te Otinako 15:11

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?