Taian Areru 72:12 - Te B'aib'ara

¹² E kamaiuia akana kananoanga akana tangira ana buobuoki, ma aomata naba akana b'ainikirinaki ao akana a kakaki taekaia.

Taian Areru 72:12 ပူးပေါင်းရင်းမြစ်များ

2.Tamuera 14:16

I ataia b'a ko bon ongora raoi nakon au kangaanga ao ko kamaiuai ma natiu te m'aane mairouia ake a tangiria n anaa te aba are E anganiira te Atua.

Iobi 29:12

Ngkana e tang te aomata ae kainano, I buokia; ao I anga te i buobuoki nako ia ataei ake akea aia karo, ake akea te tabo ae a na nako iai.

Iobi 36:15

Ma E reireiniia aomata te Atua i nanon te rawawata, ao E kabongana te maraki i bukin kaureani mataia.

Taian Areru 10:17

Te UEA, Ko na ongo aia buubuti akana mangori; ao Ko na kakorakorai nanoia.

Taian Areru 102:17

E na ongo irouia ana Aomata akana kananoanga, Ao E aki ribaai aia tataro.

Taian Areru 102:20

B'a E na ongora ni kainanoia ake a tauaki b'a buure, Ao b'a E na kainaomataia akana a moti taekaia b'a a na kamateaki.

Taian Areru 55:17

I bunra rawawatan nanou nakoina n te ingabong ao n te tawanou ao n te tairiki, Ao E na ongo b'anaau.

Taian Areru 72:4

E bia motiki taekaia akana kananoanga te uea ma te aki nanonano; E bia buokiia akana a kai nanoia, ni katoki tabareia akana a iowawa nakoia.

Taeka n Rabakau 29:7

E aki tabe te aomata ae e buakaka ni inaomataia aomata aika a maiu ni kainano, ma aomata aika a raoiroi a tabe iai.

Te Minita 4:1

I a manga taratara nako riki, ao I nooriia aomata aika a karaoaki ae a aki riai nakoia ni kabutaa te aonnaba. A tang, ma bon akea temanna i rarikiia ae e kona n anga te karaunano nakoia, ao te koraki ake a karaoa ae e aki raoiroi nakoia bon aomata aika iai te m'aaka irouia.

Itaia 41:17

Ngkana a mate n taka ma n aki konaa ni kakaaea te ran aika a maiu ni kainano ao aika a tangira buokaia, Ao N na roko ae Atuan Iteraera ni buokiia. N na bon aki m'aninga taekaia.

Ruka 4:18

“E mena Tamnein te Uea i aou, i bukina b'a e a tia n rineai b'a N na tataekina te rongorongo ae raoiroi nakoia akana aki kaub'ai. E kanakoai b'a N na tuangiia ake a riki b'a taenikai kainaomataia, ao ake a mataki b'a a na manga noraba, ao ni kainaomataaki ni kabane ake a karawawataki iai,

Ruka 7:22

Ao E taku Iesu nako ia, “Naako tuanga Ioane baika kam a tia n nori ao n ongo: a noraaba mataki, a nakonako m'auku, a kamaiuaki reebera, a uki taningaia taningabono, a manga uti maate, ao a ongo taekan te euangkerio aomata ake aki kaub'ai.

2.I-Korinto 8:9

B'a kam ata ana akoi ara UEA are Iesu Kristo, b'a ngke E kaub'ai, ao E riki n aki kaub'ai i bukimi, b'a kam aonga ni kaub'ai n ana aki kaub'ai.

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

1.Tamuera 22:2

E a raonaki irouia aomata aika iai rawaawatan nanoia ke a aika iai aia taarau ke aika iai te b'ai ae e aki rau nanoia iai, e kaaniia 400 te aomata aika a nakoina, ao e riki b'a aia tia kairiiri.